Sharaına
Juma, 5 qazan 2012 6:55
Túrikterdiń ashýy qatty
4 qazanǵa qaraǵan túni túrik artıllerııasy Sırııa úkimeti áskerlerinińshepterine soqqy berýin jalǵastyrǵan. Sırııalyq quqyq qorǵaýshylarjańa atqylaý saldarynan jergilikti áskerı qyzmetshiler qaza tapqanynjarııa etti. Alaıda, opat bolǵandardyń naqty sany belgisiz.
Juma, 5 qazan 2012 6:55
Túrikterdiń ashýy qatty
4 qazanǵa qaraǵan túni túrik artıllerııasy Sırııa úkimeti áskerlerinińshepterine soqqy berýin jalǵastyrǵan. Sırııalyq quqyq qorǵaýshylarjańa atqylaý saldarynan jergilikti áskerı qyzmetshiler qaza tapqanynjarııa etti. Alaıda, opat bolǵandardyń naqty sany belgisiz.
Túngi atqylaý túrik artıllerııashylarynyń sońǵy táýliktegi ekinshi operasııasy bolyp tabylady. Qazannyń 3-i kúni keshkisin alǵash soqqy jasalǵan edi. Shekara mańynda ornalasqan Akchakala qalasynyń 5 beıbit turǵyny kóz jumdy degen málimet bar. Túrkııa úkimeti bolsa, el parlamentine shekaradan tys jerde qarý qoldanýǵa ruqsat surap qaıyryldy.
Obama 5-6 paıyz alda keledi
AQSh-ta prezıdenttikten úmitkerler – qazirgi memleket basshysy, demokratBarak Obama men respýblıkashyl Mıtt Romnıdiń arasynda saılaýaldyteledebat ótti. Keıbir derek kózderi suraý salynǵandardyń 67 paıyzyóz daýystaryn Romnıge berse, Obama odan aıtarlyqtaı az daýysalǵanyn aıtyp otyr.
Respondentterdiń 61 paıyzy Obama kezdesýde kútkendegiden nashar sóıledi dese, 82 paıyzy Romnı ózin kútkendegiden jaqsy kórsetti degen pikirde kórinedi. Debatqa baılanysty ótken telefon arqyly suraý salýlarǵa 430 respondent qatysqan. Deı turǵanmen, Obama óziniń qarsylasynan áli de bolsa 5-6 paıyz alda keledi eken.
Eýropa usynymyn qabyldamady
Reseı Eýropa Keńesi Parlamenttik Assambleıasynyń qararyndakórsetilgen usynymdamalardy oryndamaıdy. Mundaı málimdemeni Reseı prezıdenti Vladımır Pýtınniń baspasóz hatshysy Dmıtrıı Peskov jasady. Qararda kórsetilgen usynymdamalar múldem orynsyz, sondyqtan oǵan qulaq aspaıtyn bolamyz, dep atap kórsetti ol.
EKPA daıyndaǵan qujatta Mıhaıl Hodorkovskııge qatysty úkim synǵa alynǵan bolatyn. Iаǵnı, sot sheshimderine burynǵysynsha saıası qysym kórsetilip otyrǵany aıtylǵan eken. Buǵan qosa, eýropalyqtar sońǵy aılarda Reseı zańnamalary qatańdatyla túskenine nazar aýdarypty. Osyǵan oraı, EKPA Reseıge birqatar aqyl-keńes aıtsa kerek.
Reseı jansyzdary jarııa etildi
Amerıkalyqtar Máskeýge Reseıdiń paıdasyna jumys istegen 13 shpıonnyń ustalǵany týraly habarlaǵan. Ustalǵandardyń kópshiligi burynǵy KSRO-dan shyqqandar eken. Aralarynda amerıkalyqtar da bar kórinedi. Bul jóninde Reseıdiń syrtqy ister mınıstri Sergeı Lavrov jarııa etti.
Biz ne bolǵanyn anyqtaýǵa umtylýdamyz. Qamaýǵa alynǵandardyń ishinde shyn máninde Reseı azamattary bar-joǵyn da bilý mańyzdy, deıdi oqıǵaǵa baılanysty S.Lavrov. Kúdiktiler Reseıge zańsyz túrde áskerı tehnologııalar eksportyn júzege asyrǵan syńaıly. 2002 jyldan qazirgi kezge deıingi aralyqtaǵy eksporttalǵan ónimniń jalpy somasy shamamen 50 mln. dollardy quraıdy eken.
Jumys ornynda ishimdik ishken
Latvııa Seıminiń (parlament) mandat, etıka jáne málimdeme boıynsha komıssııasy «Kelisim ortalyǵy» oppozısııalyq partııasynan depýtat Nıkolaı Kabanovqa qatysty etıkalyq kodeksti buzý týraly is boıynsha másele kóterdi. Depýtattyń áriptesteriniń sendirýinshe, ol komıtet otyrysyna mas bolyp qatysqan.
N.Kabanovqa qatysty tergeý «Bári de Latvııa úshin!» blogynyń depýtattary túsirgen shaǵym negizinde bastalǵan. Olardyń sózderine qaraǵanda, Kabanov, qyzyp alǵandyqtan, komıssııanyń tolyqqandy jumysyna kedergi keltirse, onyń is-áreketi depýtat obrazyna qarama-qaıshy shyqqan. Komıssııanyń kelesi otyrysynda depýtattyń etıkasyna baılanysty másele qaralmaqshy eken. Kabanovtyń ózi bolsa, taǵylǵan barlyq aıypty joqqa shyǵaryp otyrǵan kórinedi.
Bılik ońaılyqpen kelmeıdi
Bishkekte oppozısııalyq «Ata Jurt» partııasynyń serkesi, qyrǵyz parlamentiniń depýtaty Qamshybek Tashıev qamaýǵa alynǵan. Ol 48 saǵatqa oqshaýlaǵyshqa qamalyp, bılikti kúshtep basyp almaqshy boldy degen kúdik keltirilgen.
Q.Tashıev 3 qazan kúni uıymdastyrylǵan mıtıngten keıin tutqyndalsa kerek. Oppozısııa uıymdastyrǵan aksııaǵa qatysýshylar qyrǵyz parlamentiniń ǵımaratyna basa-kóktep kirýge áreket jasaǵan. Jınalǵandar qorshaýdan ótip, ǵımaratty kúzetetin mılısıonerlerge tas laqtyrǵan. Qorytyndysynda arnaıy jasaq mıtıngke qatysýshylardy qýyp taratqan. Zardap shekkender de bar delinip otyr.
Qysqa qaıyryp aıtqanda:
Jaqynda Hanty-Mansıdegi «Invest-oıl» kompanııasynyń zaýytynda órt bolǵany málim. Tilsiz jaýdan kóz jumǵandar sany búginde 9 adamǵa jetip otyr. Oqıǵaǵa oraı, atalǵan kompanııanyń bas dırektory Alekseı Kartashev qamaýǵa alynypty.
Reseı prezıdenti janyndaǵy ultaralyq qarym-qatynas jónindegi jumys toby ultaralyq kelisim strategııasyn jasady. Atalǵan keńes ústimizdegi jyldyń maýsymynda Reseı prezıdenti V.Pýtınniń jarlyǵymen qurylǵan-tyn. Keńesti prezıdenttiń ózi basqarady.
2011 jyldyń 24 qańtarynda bolǵan «Domodedovo» áýejaıyndaǵy lańkestik saldarynan zardap shekken Ilıa Belov moraldyq zııanynyń ótemaqysy retinde áýejaı ákimshiliginen 5 mln. rýbl talap etti. Onyń aıtýynsha, áýejaıǵa kireberiste ony eshkim teksermek túgili, tipti toqtatpapty da.
Internet materıaldary negizinde ázirlendi.
