Turǵyndar jappaı serýenge shyǵyp, Naýryz alańyndaǵy merekelik is-sharaǵa Shymkent qalasynyń ákimi Ǵ.Ábdirahymov, Shymkent qalasy máslıhatynyń depýtattary men el aǵalary, turǵyndar qatysty.
Naýryz alańynda kıiz úıler tigilip, altybaqandar ornatyldy. Merekelik is-sharada báıge, qyz qýý sııaqty qazaqtyń ulttyq sporttyq oıyndarymen saıystar ótti.
Barsha jurtshylyqty Ulystyń Uly kúnimen quttyqtaǵan qala ákimi Ǵabıdolla Ábdirahymov Naýryz - ejelden jańa men jaqsynyń, meıirim men shapaǵattyń, ádep pen ımandylyqtyń bastaýy ekenin aıtty. Sahnada teatrlandyrylǵan horeografııalyq qoıylym men merekelik konserttik baǵdarlama uıymdastyryldy.
Al keshke qaraı gala-konsert uıymdastyrylyp, Qazaqstannyń estrada juldyzdary Qydyráli Bolmanov pen Qaraqat Ábildına jáne Serik Ibragımov ánnen shashý shashty.
