«Turǵyndarymyzǵa taza aýyz sý, baspana, jumys oryndary, jaıly ómir úshin ınfraqurylym qajet. Mine, biz osy mindetterdi sheshetin bolamyz. Mınıstrler men ákimderdiń jumysyn naqty problemalardy sheshý nátıjeleri boıynsha baǵalaıtyn bolamyn», dedi ol.
Sondaı-aq ysyrapshylyqqa memleket deńgeıinde tosqaýyl qoıý qajet ekenin basa aıtty. Memleket basshysy Úkimet pen ákimderge ortalyq jáne jergilikti jerlerde ótkiziletin ımıdjdik is-sharalardy kúrt azaıtýdy tapsyrdy.
«Qazaqstannyń ekonomıkalyq jáne áleýmettik damýynyń mańyzdy faktorlary – deni saý ult, densaýlyq saqtaý salasyn damytý jáne salamatty ómir saltyn qalyptastyrý. Memlekettik shyǵystardyń basty mindeti – qarapaıym adamdardyń máselelerin sheshý», dedi Qasym-Jomart Toqaev.
