«N.Nazarbaev Keńes odaǵynyń ımperııasy qulaǵan ýaqyttan, Qazaqstan táýelsizdikti jarııalaǵan 1991 jyldyń jeltoqsannan beri Prezıdent laýazymynda boldy. 28 jyldyń ishinde Nursultan Nazarbaev 5 márte Prezıdent saılaýynda jeńiske jetti. Al onyń «Nur Otan» partııasy men onyń fılıaldary parlamenttiń tómengi jáne joǵary palatalarynda eń tómendegi deńgeıdegi oppozısııasymen basymdyqqa ıe boldy», deıdi The Star.
Saıt Elbasynyń eńbek joly Malaızııadan bólinip shyqqan Sıngapýrdy 30 jyl basqarǵan Lı Kvan Iý jáne Parlamentke basym bolǵan onyń áleýmettik-demokratııalyq «Halyq áreketi partııasynyń» basqarý stılin jumysyn eske túsiretinin aıtady.
«N.Nazarbaev Memleket basshysy retindegi halyqqa joldanǵan sońǵy úndeýinde Keńes ımperııasynyń qulaǵan ýaqytta ekonomıkanyń qıraýy, júıesiz saıasat, azyq-túlik pen taýar tapshylyǵy, óndiristerdiń toqyraýy, JIО́ kóleminiń eki esege deıin azaıýy tárizdi qıyndyqtardy eske túsirdi.
N.Nazarbaev pen onyń jaqtastardyń aldynda eń birinshiden kommýnıstik totalıtarlyq júıeni jáne ıdeologııany joıý, naryqtyq ekonomıkany qalyptastyrý jáne ekonomıkany damyta otyryp azamattardyń ál-aýqatyn arttyrý mindeti turdy», deıdi maqala avtory.
Budan keıin saıt Qazaqstan demokratııalyq memleketke aınalǵanyn, munaı-gaz ben mıneraldyq resýrstardyń arqasynda agrarly ekonomıkadan óndiristik ekonomıkaǵa qadam basqanyn habarlaǵan.
«Munaı baǵasynyń qymbat bolýy men sheteldik tikeleı ınvestısııalardyń tartylýy shıkizat jáne mıneraldyq sektordyń damýyna oń yqpalyn tıgizgen. Qazirgi tańda Qazaqstan álem boıynsha ýran óndirýden aldyńǵy orynǵa shyǵyp, AQSh, Reseı, QHR tárizdi ıadrolyq energııanyń negizgi óndirýshilerdiń qyzyǵýshylyǵyn týǵyzdy.
N.Nazarbaev jer kólemi úlken, 18,4 mıllıon halqy bar, kóp etnıkalyq jáne kóp konfessııaly (70% musylman jáne 26% hrıstıan) memlekette turaqtylyq pen kelisim ornata bildi. Investısııalar ınfraqurylymdar salýǵa, zamanaýı bilim beretin ekojúıelerdi qalyptastyrýǵa baǵyttaldy. Osynyń nátıjesinde Qazaqstannyń Astanasynda joǵary deńgeıli ulttyq ýnıversıtet ashyldy» delingen maqalada.
