Qala ákimi Ǵabıdolla Ábdirahymov Prezıdentke qalada qurylysy júrip jatqan birqatar jobalardy tanystyrdy. Aýqymdy jobalardyń biri retinde Shymkent sıtı qalashyǵyna toqtalyp, jańa aýdanǵa Highvill, Bazis-A, Bi Group, Otau Group kompanııalary ınvestısııa salyp jatqandyǵyn jetkizdi.
Atalǵan jańa aýdanda jaqyn bolashaqta 5 mektep, 9 babaqsha, mektep tys 2 mekeme, 1 emhana men 12 dárihana, 1,5 mln.m2 aýmaqqa kópqabatty turǵyn úı qurylysy salynady. Jalpy aýmaǵy 427 gektar jerge 50 000 turǵyn qonystanady dep josparlanýda. Iri qurylys kompanııalary kongress-holl, drama teatry, mýltıfýnksıonaldy mádenı ortalyq, muz arenasy, júzý basseıny, 600 oryndyq qonakúı, bank bólimsheleriniń qurylysyna qatyspaq.
Sapar aıasynda Qazaqstan Prezıdenti úshinshi megapolıstegi 4 getar aýmaqty alyp jatqan shahardyń ejelgi tarıhynan syr shertetetin Shymkent eski qalashyǵynyń eskızdi jobasyn kórip, oń baǵasyn berdi.
Aıta keterligi, qalanyń qaq ortasynda ornalasqan sıtadeldiń aýdany 40*50 m, bıiktigi 25m, jobanyń quny shamamen 8,3 mlrd teńge. Qazirgi tańda munda Shahrıstan qazba jumystaryn jalǵastyrý, qorǵaý aýmaǵynyń jobasyn ázirleý, eski qalashyq ornyn jańǵyrtý, Ońtústik jáne batys bólikteriniń beldeýlerin kúsheıtý boıynsha qurylys jumystary júrgizilýde.
Sonymen qatar Shymkenttegi tarıhı oryndardyń biri «Qoshqar ata» ózeni jaǵalaýy jobasy qolǵa alynýda. Jalpy aýdany 54,6 gektardy quraǵan aýmaqtyń 10,56 gektaryna kógeldandyrý jumystary júrgizilse, 1,52 gektaryna sáýlettik kompozısııalarynyń qurylysy alańy ornalasqan. О́zen jaǵalaýyna 302 400 m2 aımaqqa 32 kópqabatty turǵyn úı salý josparlanýda. Jobanyń jalpy quny 32,4 mlrd teńgeni quraıdy.
Prezıdent óz kezeginde shahardaǵy jolaýshy tasymalyna baılanysty birqatar jobalarmen de tanysyp shyqty. Sonyń biri retinde jańa áýejaı qurylysyna basa nazar aýdarylýda. Osyǵan oraı quny 17,5 mlrd teńgeni quraıtyn «Scat áýekompanııasy» jańa termınaly salynbaq. Atalǵan alańda avtokólik jolymen qamtamasyz etý, ushaqtarǵa arnalǵan perron qurylysy, áýejaı aýmaǵyn abattandyrý boıynsha qurylys bastalmaq. Jaqyn bolashaqta eski áýejaı ornynan 3 qabatty ǵımarat, 4 teleskoptyq dálizdiń ǵımaraty turǵyzylmaq. Joba júzege asqan jaǵdaıda qazirgi 14 reıstik qyzmet kórsetý 36 reıske deıin ósedi dep kútilýde.
Sondaı-aq, memleket basshysy Shymkent temirjol vokzalynyń qurylysyn qaıta júrgizý jobasyn kórip shyqty. jańartýdan ótken jolaýshy tasymal beketi osy jyldyń jeltoqsan aıynda paıdalanýǵa berilmek. Nátıjesinde vokzal ǵımaratynyń aýmaǵyn 1700-den 3500-ge deıin keńeıip, birdeı ýaqytta 5500 den 9000 jolaýshyǵa deıin qabyldaı alatyn dárejege jetpek.
Sapar aıasynda Qazaqstan Prezıdenti úshinshi megapolıstegi «Azala Tekstıl» fabrıkasy men «Medıker» medısınalyq ortalyǵynnyń óndiris ornynda boldy. Ári, osyndaǵy jumys barysymen tanysty.
«Azala Tekstıl» fabrıkasynda búginde 650-den astam adam eńbek etedi. Olar naryqqa kórpe men jastyq tysy, súlgi men jaımalar, turmysqa qajetti toqyma buıymdaryn shyǵarýda. Kásiporyn aıyna 500 tonna maqtany óńdep, odan 1,5 mıllıon metr mata toqıdy.
Shymkent qalasyna jasaǵan jumys sapary barysynda Prezıdent Naýryz meıramy qarsańynda jańadan ashylǵan zamanaýı medısınalyq ortalyqty aralap kórdi. Otandyq klınıkanyń jumysymen tanysqan Qasym-Jomart Kemeluly densaýlyq saqtaý salasyna basa mán berýdi tapsyrdy. Munda qaladaǵy alǵashqy sporttyq medısına ortalyq jumys isteıdi. Shymkentte balamasy joq biregeı medısınalyq qurylǵysy bar ortalyqta turǵyndarǵa medısınalyq qyzmettiń barlyq túri kórsetiledi. Al, sporttyq medısına ortalyǵynda kásipqoı sportshylar daıyndyq pen ońaltý prosesterin óte alady. «Táýligine 500-ge deıin naýqas qabyldaı alamyz», deıdi klınıkanyń bas dırektory Baqytjan Pozılov.
Nurshat TО́KEN,
«Egemen Qazaqstan»
Shymkent
