«Qazaqstan Prezıdenti burynǵy Keńes Odaǵynyń Orta Azııa respýblıkalarynyń ishinde geografııalyq jaǵynan eń iri Qazaq KSR Kommýnıstik partııasynyń birinshi hatshysy qyzmetine kiristi. Táýelsizdikke qol jetkizgennen keıin, Nazarbaev Halyqaralyq energetıkalyq kompanııalardyń da, Vashıngtondaǵy saıasatkerlerdiń de nazaryn ózine aýdarǵan, munaı men paıdaly qazbalardyń mol qory bar eldiń basshysyna aınaldy. Sonymen qatar Qazaqstan eń iri ıadrolyq arsenaly boldy. KSRO ydyraǵannan keıin jańa memleket aýmaǵynda myńdaǵan strategııalyq oqtumsyqtar bar edi» deıdi CNN basylymy.Sondaı-aq amerıkalyq arna Qazaqstanda Semeı ıadrolyq polıgony bolǵany, eldegi oqtumsyqtardyń Reseıge berilgenin eske túsirip ótken.
«Bul týraly Nazarbaev óziniń «Beıbitshilik epısentri» kitabynda aıtqan. Bul oqıǵadan keıin Qazaqstan Prezıdenti ózin ıadrolyq qarýdyń taralý qaýpin azaıtqan kóregen kóshbasshy retinde kórsete aldy» deıdi maqala avtory. Sondaı-aq CNN Elbasynyń basqa da jetistikterin tizbelep shyqqan.
«Qazaqstan Qytaı men eýropalyq naryqtar arasynda startegııalyq kópir ornatty. Nazarbaev Pekınniń «Beldeý jáne jol» bastamasy aıasynda jańa ınfraqurylymǵa qytaılyq ınvestısııany quptady. 21 ǵasyrdyń Jibek jolyn qurý dep atalatyn bul bastama óńirdegi uly derjavalardyń básekelestigin yntalandyra alady», deıdi CNN.
