Elordany Nur-Sultan esimimen ataý týraly bastamany qoldaımyn. Elimizdiń barsha azamattary da osy pikirdi qýattaıdy dep oılaımyn. Árıne, atalǵan máselede basqa da kózqarastar bar. Iаǵnı, biz demokratııalyq qoǵamda ómir súremiz, sondyqtan azamattar osy jáne basqa da máseleler boıynsha ózderiniń kózqarastary men pikirlerin ashyq aıtady. Osyǵan oraı, dál mundaı kóńil kúıdiń astanany aýystyrǵan sátte de bolǵanyn eske salǵym keledi. Budan birdeńe shyǵatynyna sengender óte az boldy. Sol sııaqty Aqmola ataýyn Astanaǵa aýystyrǵan kezde de kúmán keltirýshiler kóp boldy. Sondyqtan kez kelgen sheshimniń jaqtaýshylary da, qarsylary da bolatynyn túsingen abzal. Bul rette atalǵan bastamany Elbasymyzdyń aıryqsha tarıhı eńbegine ultymyzdyń alǵysy dep baǵalaý zańdylyq dep oılaımyn.
Nursultan Ábishuly táýelsiz Qazaqstannyń negizin qalaýshysy, qalyptastyrýshy ǵana emes, táýelsiz Qazaqstannyń sımvolyna aınalǵan jańa astananyń irgetasyn qalaǵan bas sáýletshisi de. Eger de onyń erekshe erik-jigeri, kóregendiligi, tózimdiligi bolmasa, jańa astananyń qurylysy da, qazirgi áńgimemizdiń de nobaıy bolmas edi.
Sol sebepti barlyq azamattardyń Elbasyna degen shynaıy adaldyǵy men qoldaýyn kórsetetin ýaqyt keldi.
Aıda BALAEVA,
Qazaqstan Respýblıkasy Prezıdenti Ákimshiliginiń Ishki saıasat bóliminiń basshysy
