«Qazaqstan táýelsizdigin almaı turyp, Nazarbaev eki jyl boıy Qazaqstan Kompartııasy Ortalyq Komıtetiniń hatshysy qyzmetin atqardy. Keıinirek onyń basshylyǵymen Qazaq eli 1991 jyly Táýelsizdigin aldy. Sodan beri ol 30 jyl boıy Memleket basshysy boldy. Prezıdenttik saılaýǵa bes ret túsip, qaıta saılanyp otyrdy. Oǵan berilgen «Ult kóshbasshysy» mártebesi onyń eldegi shyn máninde qadirleıtin tulǵa ekenin kórsetedi» delingen jazbada.
Sondaı-aq Echo.msk.ru Ortalyq Azııadaǵy kórshi elderdegi bılik qurylymyna toqtalady.
«Mysaly, Qyrǵyzstanda bıliktiń múldem basqa qurylymy bar ekeni, memleket basshysy óz halqynyń aldynda eshqashan qurmetke ıe bolmaǵany baıqalady. Sol syndy О́zbekstandy mysal etsek, halyq Kárimovti qurmetteýden buryn odan qorqatyn. Sondaı-aq Kárimovtiń tez arada qaıtys bolýy onyń josparlarynyń júzege aspaýyna sebep bolǵanyn atap ótýge bolady» dep jazdy Echo.msk.ru.
Budan ári Nazarbaevtyń mundaı sheshimdi qabyldaýy úlken jaýapkershilik ekeni aıtylady.
«Ol óziniń emes, eliniń múddesin kózdedi. Prezıdent eki jyl ýaqyttan beri Úkimet ókilettigin keńeıtý arqyly bul sheshimge birte-birte kelgeni baıqalady. Nazarbaev Qaýipsizdik Keńesiniń Tóraǵasy qyzmetinde qala beredi. Sondaı-aq ol «Nur Otan» partııasynyń basshysy bolyp qalady. Onyń bul áreketin jańa Prezıdentke qoldaý kórsetýi dep túsinýge bolady. О́ıtkeni jas kelgen saıyn adamdar dana sheshimder qabyldaýǵa qabiletti bolyp keledi. Ol jańa basshyǵa óziniń is-tájirıbesi men jahandyq máselelerdi sheshýde taptyrmas keńesterimen bólisetin bolady» dep jazdy reseılik Echo.msk.ru.
Sonymen qatar jazbada aldaǵy ýaqytta Prezıdent О́kilettigin tájirıbeli dıplomat, Elbasynyń senimdi tulǵasy Qasym-Jomart Toqaev atqaratyny jáne Parlament Senatyna Prezıdenttiń úlken qyzy Darıǵa Nazarbaeva tóraǵalyq etetini aıtylady.
«Bıliktiń osylaısha aýysýy oryndy boldy. Áıtpegende kútpegen jaǵdaıda qaıǵyly kún týsa, bılikte tartys bolýy múmkin edi. Nazarbaev qıyn jaǵdaıdyń aldyn aldy» dep jazdy Echo.msk.ru.
Budan soń, Echo.msk.ru Qazaqstannyń táýelsizdigin alǵannan bergi jetistikterin atap ótti.
«Búgingi kúnge deıingi aralyqta qazaqstandyqtardyń jalaqysy 17 esege deıin ósti. IJО́ kólemi boıynsha Qazaqstan kóshbasshy orynǵa ıe. Bıznesti júrgizý sharttarynyń qolaılylyǵy boıynsha elderdi baǵalaý reıtınginde Qazaqstan 36-orynda. Jahandyq qatynasta bul - mańyzdy kórsetkishter. Sondaı-aq munda jańa astana salyndy. Nazarbaev álemniń eń damyǵan 50 eliniń reıtıngine kirý mejesin qoıdy. Atalǵan elde munaı, gaz, altyn, ýran jáne taǵy da basqa paıdaly qazbalar bar» delingen jazbada.
