***
Sekemshildeý kóńilder ǵarip shaqta,
súmbil sana sóngendeı kóringende,
senim kózi shaǵylyp jaryqshaqqa,
sansyz kúdik keýdege sebilgende,
Sanymdy uryp synapqa, daýyldarǵa,
jyrym-jyrym túpsizge jol alǵanda,
tastaı qashyp týǵandar, baýyrmal jan,
bári únimdi bos sózge balaǵanda,
О́shpendik pen óktemdik órshelenip,
О́zegimdi tilgende buralańdar,
tek sen ǵana ún qattyń:
«men senemin!»
Men senemin, – dediń sen, – bul adamǵa.
Sol jyldardan kelesiń monshaqtalyp,
júregimniń aınalyp dúrsiline,
sál jymııa qaraısyń keı sátteri,
senimińniń kóktemgi búrshigine.
О́tken ómir bergisiz ertekterge,
О́kinbeımin. О́zgermen. Alańdaman.
Janaryńnyń jáýdiri mólt etkende,
Jumaq nury sekildi ǵalam maǵan!
MÁSKEÝ. 2017.
Blok menen əldene suraǵandaı,
sosyn únsiz burylyp bir adamǵa:
– Almatydan kelipti, eren eken,
erendigi essizge kereń eken.
Albyrt óńdi Alashtyń balasyna,
Bul Məskeý betin beri berer me eken?
– degendeı,
jer shuqylap kókshil kózi,
Shirkeýdiń qońyraýlap kóp kúmbezi,
Kógildir shərbatyna mas aqyndy,
bilmepti pendelikten bosatýdy.
Kim seni,
sezimshilim, sezer menshe,
Erini dúnıeniń kezergenshe,
eminer en jahannyń es-aqyly,
erik kúsh quryq alar kezeń kelse,
Kórinse úmitimniń kesteleri,
jylatpas jaraý jyldar «qosh» degeni.
Əldene Blok menen suraǵandaı,
Men odan suramadym eshtemeni..
KО́KTEMDI KÚTÝ
(trıptıh)
1.
Qyńyr edi qańtardyń basy qandaı,
qala almaı ne kóp jurtqa qosyla almaı,
Qarmanamyn ózimmen dal bolamyn,
Áldenesin torǵyn aı jasyrardaı.
Qara sýǵa ala muz qatqan bolar,
aıaz dámin balalar tatqan bolar,
«dos» dep ataý bergemin eki adamǵa,
ekeýi de uıyqtap jatqan bolar.
Jeksenbige burylmaı jol ketkeli,
Jan da qońyr, kinámshil jar da ókpeli,
Tańǵa tóseı beremin qalamymdy,
shyǵar kúndi kóktemshe sóıletkeli!
2.
Árbir tańda jınalam bir mekenge,
bilemin be, baǵytyn ol mekenniń,
bilemin be, mehnatty jol kúterin,
Kóılegimdi beıýaq kirletem be?!
Jetem be álde, juldyzdar jaryǵyna,
bir úmitti semserdeı sýyramyn,
bir úmittiń sezemin sýyǵanyn,
Kún keshkire túsemin qalybyma.
Sana búgin úırengen sendelýdi,
saǵynyshtaı aspanǵa alyp qashqan,
ertegideı oıymda qalyptasqan,
Biraq eshkim estimes mendegi úndi.
Beıqam úrlep senimniń shyraǵdanyn ,
sońǵy úkimi oqylǵan sharasyzdaı,
qasam ishken seriniń sarasyndaı,
Saǵan sýsap kelemin, uly armanym!
3.
Áldenege bekýge, bekinýge,
Áldenege jetýge, jetilýge,
ishteı ǵana qaıtalap kelem únsiz:
Eshteme de turmaıdy ókinýge!
Syrly kóktem sazdy eken, syrnaıly eken,
aq júzin adamzatqa buldaı me eken,
О́zdi-ózime qol berip kelisemin:
ókinýge eshteme turmaıdy eken!
Erte me álde, bul kóktem kesh kele me,
ekeýmizdi eseıgen dos kóre me,
ózegime býlyǵyp sóz tunady:
О́kinýge turmaıdy eshteme de!
AI men BALA
Tún.
aspan.
bilem.
neni?
Juldyzdan jaıylǵanda kilemderi,
balaqaı,
anasynyń kók shynary,
– Aı aspannyń shamy ma? – dep surady.
Basynan ala bulttyń neler kóshken,
bəri mendik sezimmen səlemdesken,
Iə,– dedi tymyq tún salqynǵandy,
Iə,– dedi anasy bógelmesten.
Jaratylys syrynan syı uqqandaı,
jəne uqsap senimi bıik taýǵa,
– Apa,– dedi, Qudaıym, aspan shamyn,
sóndirip jatar me eken, uıyqtarda?!
Qara jel tonaǵandaı kəri Kúzdi,
muń basty keıýananyń janyn izgi,
– Joq, balam, sóndirmeıdi,
uıyqtamaıdy,
kóz ilmeı kúzetedi Ol, bárimizdi..
ózindeı baqylaýmen móldir Aıdy,
Oılandy bala qııal.
jan muńaıdy:
qandaı jaqsy, qorǵanyń bar bolǵany,
qandaı jaqsy, óshpeıdi, qalǵymaıdy...
JALǴYZ RAIHAN
Jalǵyz raıhan jəýdirep jazǵa qaldy,
ol umytty mezgildeı mazdaǵandy,
ony umytty ókpek jel, ózge ómirler,
ol da umytty ótkendi qazbalaýdy.
Jaqyn kórgen qurbysy julynǵaly,
joq sekildi kórindi ǵumyr məni,
kóktem keshken kóp úmit kókke sińdi,
kúnim desken mezetter burylmady.
Jolym tússe sol jazǵa barar edim,
sabaǵynan ıiskep alar edim,
jalǵyz raıhan japanda terbeledi,
eshkim de onyń kórmeıdi jan álemin.
