Ol ómiriniń sońyna deıin Marstaǵy qalashyq qurylysynyń bastalǵanyn kórgisi keletinin atap ótken. Reportaj Naýryz meıramynan buryn jarııalandy.
Jalpy, Djım Braıdenstaınnyń Ilon Maskpen jasaǵan ıntervıýin SpaceX kompanııasy Crew Dragon zymyran tasyǵyshyn ushyratyn kúni jasaǵan. Iаǵnı, naýryz aıynyń 2-si kúni atalǵan suhbat uıymdastyrylsa kerek. Suhbat barysynda Ilon Mask óziniń Marsqa ushýǵa qatysty ıdeıalarymen bólisti. Atap aıtqanda, ǵarysh tehnologııalarynyń bir márte ǵana qoldanylatyny Masktiń kóńilinen shyqpaıdy eken. Ol: «О́zińiz oılańyzshy, bir ret qana qoldanylatyn ushaq bolsa she? Onyń qandaı qymbat bolaryn elestete alar ma edińiz?!» dedi. Mıllıarder ǵarysh tehnologııalaryn da kóp márte paıdalanatyn kúndelikti jabdyqtar deńgeıine jetkizýdi armandaıtyn bolsa kerek. Onyń aıtýynsha kóp márte paıdalanylylatyn tehnologııalar bir ret paıdalanatyn zymyrandar men aspaptardan 100 ese arzan bolatynyn aıtty. О́z kezeginde Djım Braıdenstaın AQSh budan bylaı Aıdy zertteý isine muqııat kóńil bóletinin, oǵan buryńǵydaı baryp qana qaıtpaı, onda ǵylymı bazalar ornalastyryp, Aı betinen ǵaryshty zertteý isin jalǵastyratynyn tilge tıek etti. Intervıý barysynda Djım Breıdenstaın AQSh bıyldan qalmaı ǵaryshkerlerdi jańa zymyrandarmen ushyratynyn aıtty. Connersial crew baǵdarlamasy arqyly Halyqaralyq ǵarysh stansasyna birneshe ǵaryshker barýy múmkin. Biraq, naqty qaı mezgilde ushatynyn aıtqan joq.
Eń qyzyǵy Ilon Mask adamzatty ǵaryshtyq órkenıet retinde, mýltıplanetarlyq túr retinde kórgisi keledi eken. Áý basta bıznesmen Reseıge baryp qurlyqaralyq ballıstıkalyq zymyrandar satyp almaq bolǵan. Iаdrolyq oqtumsyqtary joq zymyrandar arqyly Mask ǵaryshty ıgerýdi kózdegen. Alaıda reseılikter mıllıarderdiń suraǵandaryn tym qymbatqa baǵalaǵandyqtan, bıznesmen zymyran jasaıtyn kompanııa qurýǵa bel baılapty. «Olar tipti meniń bar qazynam jetpeıtindeı aqy surady. Áıtpese, áý basta zymyran qurastyratyn kompanııa qurý oıymda joq edi», - deıdi Ilon Mask. Al YouTube-te jarııalanǵan beınejazbaǵa pikir qaldyrǵan azamattar arasynda reseılik sheneýnikterdi ájýaǵa aınaldyrǵandar da bar.
Kórermenniń biri «Roskosmos-qa rahmet, olar bolmaǵanda Space X pen Tesla dúnıege kelmes edi. Al, «Roskosmos» qazir jerge qarap otyr»,- dep jazsa, taǵy bir kórermen «Ilon Maksti kórgende ǵaryshqa degen qumarlyǵy bir sátke de kemimegen, boıyn entýzıazm kernegen Sergeı Korolev esime túsedi», - dep jazdy.
Ilon Mask Falcon zymyrandaryn alǵash synaqtan ótkize bastaǵan kezde NASA-nyń qoldaýyna súıengenin aıtty. Bıznesmen óz qarjysynyń alǵashqy úsh zymyrandy jasaýǵa ǵana jetkenin, tórtinshisin jasaý úshin áriptesteri qoldarynda bardyń barlyǵyn ortaǵa salǵanyn aıtty. Al tórt synaqtyń alǵashqy úsheýi sátsiz bolǵan. Tórtinshi zymyran ǵana Ilon Masktiń qazirgi tabysty jolynyń alǵashqy qadamy bolypty. Al qazirgi armany Marsta qalashyq salý bolsa kerek. Bıznesmen «Marsta qalashyq salý jumysynyń bastalǵanyn kórýge ómirim jetse, eń úlken baqyty sol bolar edi» dedi.
Amangeldi QURMET,
«Egemen Qazaqstan»
