«Jaǵalaýda rolıkpen serýendegennen keıin demalyp otyrǵanda tosynnan sýısıdke kýá boldyq. Birden polısııaǵa habarladym. Sanaýly sekýnd ishinde oqıǵa ornyna jetken polısııa qyzmetkerleriniń biri batyp bara jatqan adamǵa tez júzip bardy. Sý muzdaı, oǵan qosa qatty aǵys qyzdy qalaı aǵyzyp bara jatqany da kórinip turdy. Biraq polısııa qyzmetkeri óz ómirin táýekelge tigip, batqan adamdy qutqarýǵa talpynysyn toqtatqan joq», deıdi oqıǵa kýágeri Raıymbek Sarbalın.
О́zimen birge bóreneni alyp sýǵa túsken polısııa kishi leıtenanty Rústembek Súndetov te Shalqarǵa kómekke umtylady. «Sýǵa batqan adamǵa jetken kezimde Shalqar aǵysqa tótep bere almaı batyp ketti», dep eske alady R.Súndetov. Ajal aýzynan qalǵan Batys Qazaqstan oblysynyń týmasy jedel járdem kóligimen oblystyq aýrýhananyń reanımasııa bólimshesine jetkizilgen. «Saǵat 00.50-de Shalqar Aqymǵalıevtiń múrdesi oqıǵa ornynan tómen jaqtan tabylyp, jaǵaǵa shyǵaryldy. Shalqar Aqymǵalıev kóp balaly otbasynyń jalǵyz asyraýshysy bolatyn. Boıdaq, 1 sáýirde 25 jasqa tolatyn edi. Otanyna 5 jyl boıy adal qyzmet etip kele jatqan ol sýǵa batqan áıeldi qutqaramyn dep óz ómirin qıdy», deıdi IIM keńesshisi-resmı ókili Nurdildá Oraz. Sondaı-aq ol beıbit kún batyrynyń memlekettik nagradaǵa usynylatynyn, sonymen birge jeke quram tarapynan onyń otbasyna materıaldyq kómek kórsetiletinin aıtty.
Osy oqıǵaǵa baılanysty Parlament Senatynyń Tóraǵasy Darıǵa Nazarbaeva Mahambet aýdanynyń Bereke aýylynda turatyn Aqymǵalıevter otbasyna kóńil aıtý jedelhatyn joldap, Shalqar Kóshkinbaıulynyń erligi men azamattyǵy barshaǵa úlgi ekenin atap ótken bolatyn.
Sondaı-aq «Nur Otan» partııasy Tóraǵasynyń birinshi orynbasary Məýlen Əshimbaev: «Shalqardyń bul erligi onyń antyna adaldyǵyn, eń bastysy, adamgershilik qasıetiniń joǵary bolǵanyn kórsetedi. Qyzmetine asqan jaýapkershilikpen qarap, ózge úshin óz ómirin qııýǵa daıyn bolǵan Shalqardaı ul tərbıelep ósirgeni úshin Aqymǵalıevter əýletiniń aldynda basymyzdy ıemiz», dedi. Al Ishki ister mınıstri Erlan Turǵymbaev Shalqardyń anasy Ləzzat Məjenqyzyna joldaǵan kóńil aıtý hatynda ishki ister organdary jəne qalyń qazaq jurty óziniń erjúrek, batyr ulynan kóz jazyp qalǵanyn, bul orny tolmas qaıǵy ekenin atap ótken. О́tken senbide atyraýlyqtar batyr perzentterin sońǵy saparǵa shyǵaryp saldy. Jınalǵan qaýym arasynda Atyraý oblysynyń əkimi N.Noǵaev, IIM Əkimshilik polısııa komıteti bastyǵynyń orynbasary, polısııa polkovnıgi M.Baıbolov, oblystyń bas polıseıi, polısııa polkovnıgi A.Dúısembaev, sondaı-aq Polısııa departamentiniń jeke quramy men məslıhat depýtattary, jergilikti əkimdik, prokýratýra, QMDB ókilderi boldy. Qaraly jıynda qyzmetkeriniń joǵary adamgershilik qasıetterin eske alǵan Polısııa departamentiniń bastyǵy Aıan Dúısembaev: «Men qyzmet etken birneshe jyldyń ishinde alǵash ret jas jaýyngerimnen aıyrylyp turmyn. Meniń jaýyngerim qan maıdanda emes, adamdy ajaldan arashalaý kezinde Jaıyqtyń asaý tolqynynda qaza boldy. Qosh bol, meniń jas jaýyngerim!», dep tolqı sóıledi. Jerleý rəsimi kezinde erlikpen qaza tapqan polısııa serjanty Shalqar Aqymǵalıevqa qurmet kórsetý úshin polısııa departamentiniń qyzmetkerleri aspanǵa úsh mərte bos patrondarmen oq atyp, qoshtasý belgisin bildirdi.
Baqytgúl Babash,
«Egemen Qazaqstan»
