Túrkııa eliniń Prezıdenti Redjep Taııp Erdoǵannyń bizdiń Elbasyna qarata «Nursultan Nazarbaev – túrik áleminiń lıderi» dep aıtqany bar ǵoı. Shynynda, ulttyq dástúrde tárbıelengen Ult kóshbasshysy – halqynyń bar qadir-qasıetin boıyna jınaǵan, tilin, tarıhyn, mádenıetin, ádet-ǵurpyn, salt-dástúrin jetik biletin, ultyn jan-tánimen súıetin, onyń mártebesin ósirip halqynyń úmitin, senimin aqtap kele jatqan ultjandy azamat.
«Er mereıi – el mereıi» demekshi, basshysynyń mártebesi bıiktegen saıyn, eldiń abyroıy da asqaqtaı beredi. El erteńin oılaǵan kemeńger Ult kóshbasshysy: «Biz – alys saparǵa bel býyp, kememizdi táýekel darııasyna túsirgen elmiz, eles úmitti emes, erlik pen eldik muratyn kememizdiń tuǵyryna tý etip baılaǵan elmiz», degen bolatyn.
Búgingi Qazaqstan – álemniń irgeli memleketterimen qatar halyqaralyq máselelerdi sheshýde aldyńǵy oryndarda. Búgingi Qazaqstan – álem tanyǵan egemendi, demokratııalyq jáne quqyqtyq memleket. Búgingi Qazaqstan – Ortalyq Azııanyń barysyna aınalǵan qýatty ekonomıkasy, turaqty saıası tuǵyry bar zaıyrly memleket.
«Dúnıede táýelsiz Qazaq eli bar. Álemde egemen Qazaqstan bar. Onyń kópultty, tatý, yntymaqty halqy bar. Qýatty ekonomıkasy, senimdi saıası júıesi bar. Eń bastysy – búginnen nurly, búginnen jemisti bolashaǵy bar», degen Elbasymyzdyń sózderi árbir qazaqstandyqtyń keýdesine qýanysh pen shattyq ákelip, jarqyn bolashaqqa degen senimin uıalatady!
Ǵalıasqar SARYBAEV,
«Nur Otan» partııasy Almaty oblystyq fılıaly tóraǵasynyń birinshi orynbasary
