Elbasy esimin berý – tabıǵı zańdylyq

Aqmola óńirindegi «Selıno­gradskoe» kre­dıt­tik seriktes­tigi­niń qyzmetkerleri elorda ataýy­nyń Nur-Sultan bolyp ózgerýin qol­daıtyndyqtaryn jetkizdi.

«El múddesin murat etken Tuń­ǵysh Prezı­dentimiz Nur­­sul­tan Ábishuly Nazarbaevtyń eń­be­giniń ar­qa­synda Táýel­siz­di­gin jańa alǵan jas memleket al­ǵa qadam basty. Naryqtyq jú­ıe ıgerilip, jeke­shelendirý júr­gizil­di, kásip­kerlerge qoldaý kór­se­t­i­lip, ınvestısııalar tar­tyldy, alys-jaqyn shetelder­men óz­ara saýda qatynastary jol­ǵa qoıyl­dy. Táýelsiz eldiń al­ǵash­qy qadam­darynyń biri – tól teń­ge­miz qoldanysqa en­gizi­lip, der­bes qarjy júıesi qu­ryl­­dy. Bul ju­­mystar men qol­­daý­lar­dyń ná­­tı­jesi kóp kút­tir­medi, qar­jy­lyq daǵ­­da­rys­­tarǵa tó­tep be­rip, eko­­no­mı­ka­myz damy­dy. Ár qazaqstandyqtyń ál-áýqaty jaqsaryp, elimiz jańa belesterdi baǵyndyra bastady. Saıası sheshim qabyldanyp, elordany  Al­­ma­tydan Aqmolaǵa kóshirý tý­ra­­ly sheshim qabyl­dandy. Qys­qa mer­zim ishinde Eý­ra­zııa kin­digin­de, Esil­diń boıynda jańa elorda­myz paıda boldy», deıdi ujym eńbekkerleri. 

«Selınogradskoe» kredıt­tik seriktestiginiń ujy­my El­basynyń tabandy jumy­synyń nátı­jesinde qazirgi Qazaqstan je­del qarqynmen damyp, eko­nomı­kasy turaqty elderdiń qa­ta­ry­nan oryn alǵanyn aıtady. 

«Tuńǵysh Prezıdentimiz Nur­sultan Nazar­baevtyń eń­beginiń arqasynda Táýel­sizdik al­ǵannan beri Qazaqstan búkil álem­dik úde­rister ınte­gra­sııa­lanǵan, demo­kratııa­lyq qun­dy­lyqtardy moıyndaı­tyn mem­leketke aınaldy. Son­dyq­tan, Astana qala­syn El­basy esimimen qaıta ataý ýa­qyty jetken tabıǵı zań­dylyq ekenin moıyndaımyz. Astana qalasyn Nur-Sultan dep qaıta ataý­dy «Selınogradskoe» kre­dıt­tik seriktestiginiń ujymy to­lyq qoldaıdy», deıdi ujym qyzmetkerleri. 

Aqmola oblysy

* * * 

Aqjaıyq jurtshylyǵy Asta­na­ny Nur-Sultan dep qaıta ataý týraly usynysqa oı-pikirlerin bildirip, bul bastamaǵa qoldaý tanytatyndyqtaryn jetkizdi.

Máselen, M.О́temisuly atyn­daǵy Batys Qazaqstan memlekettik ýnıversıtetiniń ustazy, pedagogı­ka ǵylymdarynyń doktory, pro­fessor Abat Qydyrshaev Elbasy­nyń Qazaqstan men Astana aldyn­daǵy eńbegi aıryqsha ekenin aıtady. 

«Qazaqstannyń tuńǵysh Prezı­denti atqarǵan ulan-ǵaıyr isterdi aıtqanda eki máselege erekshe toq­tal­ǵym keledi. Nursultan Nazar­baevtyń 1991 jyly Semeı ıadrolyq synaq polıgonyn jabýy álem jurt­shy­lyǵy úshin úlgi-ónege boldy. Ekinshiden, Elbasy Qazaq eliniń astanasyn óz qolymen saldy. Onyń ár ǵımaratynyń ereksheligi, ár kirpishi Elbasynyń syn tezinen ótti. Astanada kóptegen sáýletti, ádemi ǵımarattardy aıtpaǵanda, Nazarbaev ýnıversıteti salyndy, óńirlerde zııatkerlik mektepteri iske qosyldy. Bul elimizdegi bilim berý deńgeıin kóterdi. Búginde elordamyz barsha el maqtanatyn bas qalaǵa aınaldy. Sondyqtan qalanyń Nur-Sultan bolyp atalýy zańdylyq dep oılaımyn», dedi Abat Qydyrshaev. 

Al Oraldaǵy №17 orta mek­teptiń dırektory Tamara Rýdıchtiń aıtýynsha, qazirgi kezde Qazaqstan turaqty damyp, gúldenip kele jatqan elderdiń biri.

«Búgini eńseli, erteńi jarqyn eldegi jetistikterdiń bári – Elbasynyń salı­qaly saıa­satynyń jemisi. Osy oraıda Astana ózin turǵyzǵan sáýlet­shisiniń esi­min alyp otyr. Sondyqtan bul óz­ge­ris­ti tolyǵymen qoldaımyz», dedi ol. 

Sambodan álem chempıony Nurbol Serikov Qazaqstannyń bere­ke-birligin arttyryp, kóshin alǵa súıregen Elbasynyń arqa­synda elimizdiń mádenıeti men sportyn álem tanyǵanyn jetkizdi. «Qazaq eliniń kók baıraǵy dú­nıe júziniń túkpir-túkpirinde kóteri­lip, Ánuranymyz oryndaldy. Úlken sportqa dańǵyl jol ashyl­dy. Elbasymyzǵa yqylas-qur­metimizdi osylaısha bildire otyryp, aldaǵy ýaqytta da el namysyn aby­roımen qorǵaýǵa umtylatyn bolamyz», deıdi N.Serikov.

Batys Qazaqstan oblysy

* * *

Biz qoldaımyz! Elbasynyń eńbegi óte zor. El­basy­myz basqaryp kelgen 30 jyldyń ishinde elimiz aman, jurtymyz tynysh boldy. Sondyqtan ózi irge tasyn qalaǵan Astana men Nursultan bir uǵym.

Adam Boısaev,

Almaty oblystyq «Vaınah» cheshen-ıngýsh mádenı birlestiginiń tóraǵasy

* * * 

Táýelsiz Qazaqstan tarıhynda jas elordamyz Astana men Qazaqstan Respýblıkasynyń Tuńǵysh Prezıdenti Nursultan Nazarbaevtyń esimi tyǵyz baılanysty. Bul qazaqstandyqtarmen qatar, taıaý jáne alys shet elderdiń saıası jáne isker toptary, qalyń jurtshylyǵy, ǵylymı jáne mádenı qaýymy úshin de aıqyn aqıqat. Búginde jańa elordany eldiń Tuńǵysh Prezıdenti N.Nazarbaev salǵandyǵy týraly faktige eshkim de kúmán keltire almaıtyndyǵyn nyq senimmen aıtýǵa bolady. Elbasynyń qalany jas memlekettiń Elordasy retinde qalyptastyrý jáne damytýdaǵy rólin baǵalamaý múmkin emes. 

Rýslan Valıshanov,

Almaty oblystyq «Týǵan tel» tatar mádenı birlestiginiń tóraǵasy

* * *

Nursultan Ábishuly – Táýelsiz Qazaqstannyń arhıtektory jáne negizin qalaýshy. Uly dalada bizder jáne búkil álem  súısinetin ǵajaıyp elordamyz Astanany saldy. 

Bizdiń jas elordamyz Tuńǵysh Prezıdent Nursul­tan esimin ıelenýge laıyqty, óıtkeni ol is júzinde áıgili Abylaı hannyń armanyn júzege asyrdy: memleket qurdy, beıbitshilik ornatty, jańa qala saldy. 

Atsalım Idıgov, 

Qazaqstan halqy  Assambleıasynyń múshesi