«О́ńdeý sektoryna Elbasynyń tapsyrmasy boıynsha “qarapaıym zattar ekonomıkasynyń” salasyn jeńildikpen nesıeleý baǵdarlamasyna bólingen 600 mlrd teńge jańa serpin berýi tıis, onyń 400 mlrd teńgesi ónerkásiptik taýarlar óndirisi men jekelegen qyzmet túrlerin damytýǵa baǵyttalady. Bul jeńil, jıhaz jáne azyq-túlik ónerkásibi men qurylys ındýstrııasy salalarynyń kúndelikti qoldanylatyn 250-ge jýyq ónerkásiptik taýar óndirisin iske qosýǵa múmkindik beredi», dedi R.Sklıar.
Sonymen qatar Mınıstr 2025 jylǵa qaraı bıznesti jeńildikpen qarjylandyrý 16 myńǵa jýyq turaqty jumys ornyn qurýǵa, bıýdjetke túsetin salyqty 1,1 trln teńgege deıin ósirýge, “qarapaıym zattar ekonomıkasy” óniminiń ımporttyń úlesin 59%-ten 37%-ke deıin tómendetýge múmkindik beretinin aıtyp ótti.
«Bıyl jeńil ónerkásiptegi iri jobalar jańǵyrtylady jáne aýqymy keńeıtiletin bolady. “Qarapaıym zattar ekonomıkasy” baǵdarlamasyn iske asyrý boıynsha “Atameken” Ulttyq kásipkerler palatasy bazasynda qurylǵan jobalyq keńse baǵdarlama aıasynda qoldaý bildirý úshin bızneske kómek kórsetýge jáne aqparattandyrýǵa múmkindik beredi», dedi Mınıstr óz sózinde.
Sondaı-aq mınıstrlik iske asyratyn Qazaqstan-Qytaı jobalary da (jalpy somasy $ 22,8 mlrd. quraıtyn 32 joba)óńdeý ónerkásibiniń ósimin qamtamasyz etýge úles qosatynyn jetkizdi Mınıstr.
«2015-shi jyldan 2018-shi jylǵa deıin jalpy somasy 295 mln AQSh dollaryn quraıtyn 5 joba iske qosyldy», dedi Mınıstr.
Olardyń ishindegi eń mańyzdylary:
- Sement óndirisi «DanAke» JShS, China Gezhouba Cement Co. Ltd. (2018 jylǵy jeltoqsanda iske qosyldy, ınvestısııalar: $ 178 mln., qýaty: 1 mln. tonna, sonyń ishinde tyǵyndaý arqyly óndirilgen – 300 myń tonna, portland – 700 myń tonna, jumys oryndary: 226 adam);
- JAC brendiniń jeńil avtomobılderin iri torapty qurastyrý (DKD/SKD) jáne usaq torapty qurastyrý (CKD) ádisterimen«SaryarkaAvtoProm» JShS jáne JAC MotorsSMS strategııalyq seriktesimen birigip óndirý, SMS (ınvestısııalar: $ 22 mln., qýaty: jeńil avtomobılder 10 myń birlikke deıin, júk kólikteri 3 myń birlikke deıin. Jumys oryndary: 350 adam. Qoldanysqa engizý: 1 kezeń - 2015 j., 2 kezeń - 2017 j.);
- «Qorǵas– Shyǵys qaqpaǵy» EEA aýmaǵyndaǵy qurlyq porty, «KTZE-Khorgos Gateway» JShS, Lianyungang Port Holding Group Co. Ltd., COSCO Shipping Lines Co. Ltd. (Investısııalar: $ 76 mln. – 2017 jylǵy mamyrda úlestiń satyp alynýy. Qytaılyq tarap «KTZE – Khorgos Gateway» JShS-niń 49% aksııasyn satyp aldy).
5 360 mln.dollardyń 7 jobasy iske asyrylý barysynda, 2019 jyly onyń ishindegi 350 mln.dollardyń 3 jobasy iske qosylady.
