Aımaqtar • 26 Naýryz, 2019

О́ńirdiń óndiristik áleýeti qandaı?

486 retkórsetildi

Batys Qazaqstan oblysyna jumys saparymen kelgen vıse-premer Jeńis Qasymbek óńirde «Nurly jer» jáne «Nurly jol» memlekettik baǵdarlamalarynyń júzege asýyn tekserip, kásipkerlermen júzdesti.

Elimizdegi turǵyn úı qurylysyn úılestiretin «Nurly jer» jáne ınfraqurylymdy damytýǵa arnalǵan «Nurly jol» baǵdarlamalary – bir-birimen tyǵyz baılanysty memlekettik baǵyttardyń biri. Batys Qazaqstan oblystyq qurylys basqarmasynyń basshysy A.Qaısaǵalıevtiń aıtýynsha, 2019 jyly óńirde «Nurly jer» baǵdarlamasy aıasynda kóp qabatty 20 úıdiń qurylysy júzege asyp, 2704 páter tapsyrylmaq. Budan bólek aýyl-selolarda 439 páterdi quraıtyn 70 úı salynady. «Biz bıyl jalpy kólemi 450 myń sharshymetr turǵyn úı salýdy josparlap otyrmyz» deıdi Altynbek Qaısaǵalıev.

Az qamtylǵan otbasylardy qoldaý baǵytynda elimizde jalǵa beriletin úıler naryǵy da damyp keledi. Batys Qazaqstan oblysynda osyndaı toptar úshin 833 páter qurylysy júrýde. Ol úshin Oral qalasynda kópqabatty 2 úı, Aqsaıda 1 úı, al basqa aýdandarda 50 úı salynýda. Buǵan qosa Oral qalasynda kóp balaly otbasylarǵa arnalǵan taǵy eki bıik úı qurylysy bastalady.

Sondaı-aq «Nurly jer» baǵdarlamasy aıasynda jeke turǵyn úı qurylysy úshin kezekte turǵan azamattarǵa 1881 jer telimi beriletini habarlandy.

Vıse-premer Oral qalasynda qolǵa alynǵaly otyrǵan aıtýly qurylys – 700 ga jerge jaıǵasqan jańa «Aqjaıyq» shaǵynaýdanynyń josparymen de tanysty.

О́ńirdegi avtomobıl joldary jáne jolaýshy tasymaly basqarmasynyń basshysy M.Shaqaev 2019 jyly oblysta «Nurly jol» memlekettik baǵdarlamasy aıasynda 155 shaqyrym respýblıkalyq mańyzy bar joldar jóndeletinin aıtady. Jergilikti halyq ásirese «Qaztalov-Jánibek-RF shekarasy», «О́nege-Bısen-Saıhyn» avtojolyna jasalatyn kúrdeli jóndeýdi asyǵa kútedi. Batys Qazaqstan oblysynyń eń alys Bókeı ordasy, Jánibek aýdandaryn Oral qalasymen jalǵaıtyn bul joldyń qurylysy Elbasynyń tikeleı tapsyrmasy boıynsha qolǵa alynǵan bolatyn.

- 2019 jylǵy jumystardyń nátıjesinde óńirdiń oblystyq jáne aýdandyq dárejedegi joldary 30%-ǵa jaqsarady dep josparlap otyrmyz, - deıdi M.Shaqaev.

Jeńis Qasymbek memlekettik baǵdarlamalardyń óńirde júzege asyrylýyna oń baǵa berdi. «Qazaqstannyń batys qaqpasy» atanǵan oblystyń strategııalyq múmkindigin tıimdi paıdalanýdy tapsyrdy.

Sapar barysynda óńirdiń agrarlyq jáne óndiristik kásiporyndaryn aralap kórgen vıse-premer kásipkerlerge Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda aıtylǵan tapsyrmalardy eske salyp, «halyq tutynatyn taýarlardyń aýqymdy nomenklatýrasyn ıgerip, «qarapaıym zattar ekonomıkasyn» damytý úshin kásiporyndarǵa kómektesý qajettigin» aıtty.

- Bul óńirdiń eksporttyq áleýetin kóterip qana qoımaıdy, ishki naryqty jergilikti taýarlarmen toltyrýǵa sep bolady. Bul baǵdarlama jergilikti óndiristi damytýǵa baǵyttalǵan, sondyqtan halyq tutynatyn taýarlar óndirisin órkendetip, naryqty sapasyz ımporttan qorǵaý qajet» dedi Jeńis Qasymbek.

О́ńir basshysy Altaı Kólginov memlekettik baǵdarlamalardyń arqasynda jergilikti óńdeýshi kásiporyndar jedel damyp kele jatqanyn aıtady. Osylaısha jańa jumys oryndary kóbeıgen. Investısııalyq ahýal jaqsy. О́nim óndirý kólemi artyp, oraldyq kásiporyndar ishki jáne syrtqy naryqta nyq tur.

Kezdesý barysynda Jeńis Qasymbek kásipkerlerdiń jekelegen saýaldaryna jaýap berdi. Al saraptamany qajet etetin kúrdeli máselelerge qatysty suraqtarǵa tıisti oryndar az ýaqyt ishinde tolyqqandy málimet beretin boldy.

Qazbek QUTTYMURATULY,

«Egemen Qazaqstan»

Sýretti túsirgen Aleksandr Kýprıenko

Batys Qazaqstan

Banner
Sońǵy jańalyqtar

IOS júıesine qazaq tili resmı túrde qosyldy

Tehnologııa • Búgin, 18:11

Altyn Adam sherýi Malaızııada jalǵasady

Rýhanııat • Búgin, 17:52

Almatylyq stýdentter tazalyq kúnin ótkizdi

Ekologııa • Búgin, 15:21

«Kanelo» Golovkınnen qorqa ma?

Boks • Búgin, 14:51

Qasym-Jomart Toqaev Nıý-Iorkke keldi

Prezıdent • Búgin, 11:09

Baı-О́lkede mádenı ortalyq ashyldy

Ádebıet • Búgin, 10:11

Hat qorjyn (23.09.2019)

Qoǵam • Búgin, 09:59

Adal isti aramdamasaq qaıter...

Qoǵam • Búgin, 09:53

Onlaın-tapsyrys kómirden taryqtyrmaıdy

Aımaqtar • Búgin, 09:51

Qostanaı qysta tońbaıdy

Aımaqtar • Búgin, 09:48

«Mal da joq, qaıyr da joq»

Qazaqstan • Búgin, 09:46

Jylytý maýsymyna daıyndyq pysyqtaldy

Qazaqstan • Búgin, 09:45

Ádemi dánekerleýshimen áńgime

Qoǵam • Búgin, 09:38

Bıýdjet tıimdi josparlanýy tıis

Aımaqtar • Búgin, 09:25

Jezqazǵanda ishki gaz jelileri tartylýda

Aımaqtar • Búgin, 09:24

Halhyn-gol shaıqasynyń qaharmany

Rýhanııat • Búgin, 09:09

Aqyn toıyna daıyndyq qalaı?

Rýhanııat • Búgin, 09:08

Damý baǵyty aıqyn

Aımaqtar • Búgin, 09:00

Uqsas jańalyqtar