Osy úlken kólemniń 2100 gektary Bylqyldaq kóliniń aýmaǵyna tıesili, al, 1200 gektary aımaqta kásiporyndar salyp, bıznes úlesin órkendetýge berilgen.
Aımaq basqarma basshylyǵynyń málimetinshe, elimizde 12 arnaıy ekonomıkalyq aımaqtyń barlyǵy birdeı zań aıasynda jumys isteıdi. Memleket tarapynan kórsetiletin jeńildikterde de aıyrmashylyq joq. Tek ár aımaqtyń óz baǵyty bar. Bizdiń óńirde hımııa, munaı-hımııa jáne metallýrgııa salalaryna basymdyq berildi.
Biraq, bul baǵyt júzege aspady ma, qazir aımaqta qospaly alıýmınıı men avtomobıl dıskilerin shyǵaratyn eki zaýyt jumys jasaýda. Bul kúnderi 2010 jyly bastalǵan aımaq aýmaǵynyń ár sharshy metrin tıimdi paıdalaný úshin ınfraqurylymdyq júıeler tartý áli de jalǵasýda.
Tipti, aımaqtyń keıbir aýmaǵynda ınjenerlik jelilerdiń bolmaýy ınvestorlarǵa kedergi emes deıdi. Jyl saıyn respýblıkalyq bıýdjetten bólinetin qarjynyń kólemine káriz, jol, tazartý stansasyn salynǵan.
Bıyl temirjol jobasynyń birinshi kezeńine kóshemiz, káriz júıesiniń qalǵan eki kezeńi aıaqtalady. Byltyr aımaq ókilderi Dýbaıda ótken «World free zones Organization» Halyqaralyq konferensııaǵa qatysty.
Nátıjesinde 3 myńnan astam ınvestorǵa turaqty túrde «Pavlodar» AEA týraly aqparatty joldaýǵa múmkindik aldy. Sondyqtan, aımaq iri ınnovasııalyq jobalary bar ınvestorlardy kútýde. Úlken aýmaqta naryqqa qajet, suranysy joǵary, ındýstrııany damytatyn kásiporyndar ornalasýy qajet.
Aımaq ókildiginde ınvestısııa tartý, ınfraqurylymdy jaqsartý jáne marketıng boıynsha bar-joǵy 17 maman jumys jasaıdy.
Farıda BYQAI,
«Egemen Qazaqstan»
PAVLODAR
