Stansadaǵy alǵashqy 300 megavatt qýat kólemin óndirgen №1 energoblok 1968 jyldyń jeltoqsanynda iske qosylǵan. Al, búgingi 600 mlrd kVts elektr qýaty elimizdiń aldaǵy alty jyl boıy erkin tutynýyna jetkilikti energııa.
Aqsý elektr stansasy Eýrazııalyq Toptyń barlyq kásiporyndaryn jáne basqa da ónerkásip kásiporyndaryna qýat berýde. Elimizde óndiriletin elektr qýatynyń 17 paıyzyn, kómirdiń 20 paıyzyn osy kásiporyn úlesine tıesili. Elektr energııasyn óndirýdiń jyldyq qýaty – 16 mlrd kVt saǵat. Mereıtoılyq 600 mlrd kVt saǵat óndirý kórsetkishine jetken energetıkterdi stansa dırektory Vladımır Fenev quttyqtady.
V. Fenevtiń aıtýynsha, bul kúnderi «EEK» AQ elektr stansasynyń qajetti qýat qoryn jınap, qural- jabdyqtardyń senimdiligi men uzaq merzimdiligin qoldaý, óndiristik sıpattamalardy jáne ekologııalyq kórsetkishterdi jaqsartý boıynsha júıeli jumys júrgizýde.
Sonymen birge, kompanııa 1973 jyldan bastap paıdalanýdaǵy №5 energoblokty qaıta jańǵyrtý boıynsha jobany iske asyrýda.
Bul energııa blogynyń qýatyn 300-den 325 Vt-qa deıin arttyrýǵa, otyn shyǵynyn azaıtýǵa, paıdalaný shyǵyndaryn qysqartýǵa, sondaı-aq elektr stansasy jumysynyń tehnıkalyq-ekonomıkalyq, ekologııalyq jáne sapalyq kórsetkishterin jaqsartýǵa múmkindik beredi.
Aldaǵy jyldary stansa №7 energoblokty qaıta jańǵyrtýdy bastaýdy josparlap otyr.
Farıda BYQAI,
«Egemen Qazaqstan»
Pavlodar oblysy
