Jastar uıymdarynyń kóshbasshylary qatysqan otyrysta jastar ózderiniń oılarymen bólisip, Tuńǵysh Prezıdenttiń elimizdiń táýelsizdik alýyna, damýshy elderdiń qataryna kirýine, kórkeıýine, jańa astananyń qurylýynda eleýli úles qosqany, sondaı-aq, N. Á. Nazarbaev Prezıdenttik ókilettiligin toqtatqanymen Qaýipsizdik Keńesiniń Tóraǵasy, «Nur Otan» partııasynyń Tóraǵasy, Qazaqstan halqy Assambleıasynyń tóraǵasy, Konstıtýsııalyq Keńestiń múshesi retinde óz qyzmetin, elimizdiń damýyna odan ári óz úlesin qosýyn jalǵastyra beretini aıtyldy.
Dáýlet Káribek, «Nur Otan» partııasy «Jas Otan» JQ Atqarýshy hatshysy:
«Qazaqstannyń memleket bolyp qalyptasýynda N.Á. Nazarbaevtyń, partııamyzdyń Tóraǵasynyń eren eńbegi orasan zor. Beıbit aspanymyz, qazirgi tańda bolyp jatqan tulǵalyq damý jáne bilimimiz úshin Elbasy búkil eńbegin aıamaı sarp etti. Onyń kýási búginde «Bolashaq» assosıasııasy, «Jas Ulan», «Jasyl el», Elbasynyń balasy bolyp sanalatyn «Jas Otan» JQ aıtyp ótýge bolady. Elbasynyń bastap ketken barlyq saıasatyn osy bizdiń Qazaqstan jastary, bizder jalǵastyrýymyz kerek. Sebebi, 2050 jyly Qazaqstanda turatyn jáne ómir súretin bizder. Memleketti qurý jáne odan ary damý múmkindigi bizge berilip otyr».
Maksım Spotkaı, Qazaqstan halqy Assembleıasynyń «Jańǵyrý joly» respýblıkalyq jastar qozǵalysynyń jetekshisi:
«Astanamyzdyń Nur-Sultan dep aýystyrylýy tarıhı sheshim dep qabyldaý kerek. Sebebi ol shynynda da álemdik arenadaǵy bizdiń elordamyzdyń ımıdjin arttyrý jaǵynan erekshe sát. Nur-Sultan ataýy bul bizdiń jastarymyzdyń, jańa urpaǵymyzdyń, táýelsiz elimizde týyp ósken jastarymyzdyń atynan Elbasymyzǵa qurmet nyshany dep qabyldaý kerek. Qazaqstan Halqy Assambleıasy, jalpy Qazaqstan jastary osy sheshimdi qoldaıdy dep oılaımyn».
Otyrys barysynda jastar uıymdarynyń jetekshileri men jas kóshbasshylar qazaqstandyq jastarǵa úndeý jasap, jas qazaqstandyqtardy táýelsiz Qazaqstannyń Tuńǵysh Prezıdenti aıqyndaǵan strategııalyq baǵytqa qoldaý kórsetýde birlik, tatýlyq pen kelisim tanytýǵa shaqyrdy.
