Aımaqtar • 26 Naýryz, 2019

Qostanaı oblysynda polıseıler azamattyq alyp berdi

483 retkórsetildi

Qujatsyz júrýdiń qandaı qıynshylyqtary bolatynyn azamattyǵyn ýaqytyly ala almaǵan jandar jaqsy biledi. Arqalyq qalasy menUzynkól aýdanynyń turǵyndary polıseılerge osy máseleni tez arada sheship bergeni jáne tııanaqty jumysy úshin alǵysyn aıtty.

Sońǵy ýaqytta Reseıde kóp jyldar turǵan Svetlana Bernaskaıa Arqalyqqa qaıta oralǵan bolatyn. Ol qalalyq polısııa bólimine azamattyq alý úshin keńes suraǵanda ózi de tańqalyp qaldy. Ol bul is uzaqqa sozylatyn bolar dep, qınalyp júrgen edi. Onyń azamattyǵy qysqa ýaqytta sheshimin tapty. Polısııa qyzmetkerleri Oljas Imanbekov pen Meıramkúl Baısalbekova Svetlananyń kámeletke tolmaǵan qyzyna azamattyǵy joqtyǵy týraly qujat alýyna kómektesti.

Sonymen qatar Uzynkól aýdanyndaǵy Kúlzábıra Qısyqova kósh-qoń bólimi qyzmetkerleriniń tııanaqty, jedel jumystary arqasynda inisiniń qujatyn durystap, kóńili tyndy.

«KSRO taraǵannan keıin meniń inim qujatsyz júrdi. Ásker qatarynan keıin turmys taýqymetimen Reseıde qaldy, onda qujattaryn joǵaltyp alypty. 15 jyl boıy biz oǵan qujat jasaǵymyz kelip júgirgenimizden esh nátıje shyqpady» deıdi Kúlzábıra.

Olar aýdandaǵy Kóshi-qoń qyzmetindegi polısııa kapıtany Arman Batyrhanovqa osy máselesin aıtqanda, ol tez arada qolǵa alyp, istiń ońǵa basýyna kómek berdi. Qazir Kúlzábıranyń inisi jeke basynyń kýáligin jáne Qazaqstan Respýblıkasynyń azamattyǵyn aldy.

Oblystyq Kóshi-qoń qyzmetiniń bastyǵy Qaırat Dútbaevtyń aıtýynsha, jergilikti jerlerde adamdardyń mártebesin bekitetin qajetti qujattardy jınaý jónindegi jumystar qordalanyp qalǵan. Olardy aýdandyq bólimder oblystyq Polısııa departamentine jiberip jatady. Al jergilikti jerdegi mamandardyń iskerligi arqasynda adamdardy áýre-sarsańǵa salmaı, isti osylaı jedel sheshýge de bolady.

Názıra Járimbet,

«Egemen Qazaqstan»

Qostanaı

Sońǵy jańalyqtar

Ystyq tamaq taratty

Qazaqstan • Búgin, 17:59

Jaqsy ákim jalǵyz júredi

Tanym • Búgin, 17:02

Betperde kıgen kóktem

Tanym • Búgin, 16:55

Uqsas jańalyqtar