Aǵash jonyp, ań jasaǵan

– 2003 jyly Aýyl jylynda jasaǵan dúnıem. Týra 16 jyl bolypty. Ásirese, syrttan kelgen qonaqtar qy­­­zyǵa qarap ótip jatady, – deıdi Erjan «aıýyn» aıa­laı sıpap qoıyp. Týra Reseı­diń «Masha men aıý» atty bala­larǵa arnalǵan mýlt­fılmindegi deneli qońyr aıýdyń ózi. Eki qolyn aldyna qýsyra ustap, taý jaqqa qóz salyp tur.

Ras, aǵashtan túrli ań­dar­­dyń músinin jasaýǵa eki­niń biri bara bermeıdi. Qı­yn­nyń qıyny. Erjannyń keıbir ásirese, qara aǵashtan jasaı­tyn músinderine aılap ýaqyt ketip qalady eken. Kóbine jumysyna dińi jýan kók terekti tań­­­daı­dy. Erjandaı sheber qol­dy mú­sinshi jigit dál osy­naý is­ke jaratylǵandaı jan se­kil­di. Almaty qalasyndaǵy respýblıkalyq kórkemsýret kolledjin músin óneri bo­ıynsha, odan soń Abaı atyn­daǵy Qazaq ult­tyq pe­­­da­gogıkalyq ýnıver­sıte­tiniń kórkemsýret, grafıka fakýl­tetin bitirip shyqqan. 

– Kishkentaı kezimnen-aq beıneleý ónerine yntyq bolyp óstim. Áli esimde, 5 sy­nypta oqyp júrgen ke­zimde «Kim bolam?» degen ta­qyrypta shyǵarma jazdyq. Sonda bolashaqta músinshi bolam dep jazǵan edim. Jú­re­gim qalaǵan túrli jan-janýarlardyń músinin jasaı beremin, – deıdi Erjan kúlim­deı til qatyp.

Aǵashtan jasap shyǵatyn ańdary týra ózinen aınymaı kóz tartyp turatyny qýa­narlyq. Ony qalaǵan tús­pen syrlap qoısa, uzaq jyldarǵa shydas beredi eken. Erjanǵa arnaıy tapsyrys berip jatatyn jandar da kóp. Ásirese, eki qabatty úıleri bar, esik­teriniń aldy alýan gúlmen, tal-terek, jemis aǵashtarymen kómkerilgen sándi aýlalar­da túrli ańdar­dyń ási­rese, eliktiń músinderi turǵany ǵajap-aq. Erja­n­nan estigenimizdeı birsy­pyra músinderi qoǵam qaı­rat­­­kerleriniń esikteriniń al­­dyn­da turǵan kórinedi. Ras, aǵashtan aılap, aptalap mańdaı terlete jasap shy­ǵatyn músinderdiń baǵa­sy da ózin-ózi aqtaıtyn dáre­jede bolady eken. О́ıt­keni bul erinbeı etken eńbek­tiń jemi­sinen quralady. 

– Meniń jasaǵan attarym Astana qalasynda ótken EKSPO – 2017 halyqaralyq kór­mesinen oryn aldy. Aǵash­tan jolbarys, aıý, úki, mysyq, búrkit pen tasbaqany da jasa­dym. Bir jylqynyń basyn qa­ra aǵashtan jasaǵan edim. Bir aı eńbektenýge týra keldi. Jal­py, qazaqsha 12 aıdaǵy jan-ja­nýarlardy túgeldeı somdap shyq­tym, – deıdi Erjan óziniń ju­mystarynan habardar etip.

Biz sóz etip otyrǵan erin­beıtin eń­bekker, maıtalman mú­sinshi, syrly sýretker Er­jan Qojah­­met­uly qazir qamal alar qy­ryq­tyń mol ishinde. Aýylda da, qa­lada da júrek qalaǵan isin is­teı beredi. Almaty qalasyndaǵy, res­­pýblıka kólemindegi bir­sy­pyra ǵı­marattardyń, balalar baq­sha­la­rynyń aldynda qolynan shyqqan mú­sinderi tur. О́zi sekildi sheber qoldy azamattarmen Almaty qala­syndaǵy ál-Farabı atyndaǵy áıgili dańǵyldy bezendirýge qaty­sypty. О́tken jyly Qa­ra­bulaq aýy­lynda salyn­ǵan Allanyń úıine de at­salysqan. Meshit ǵıma­ratynda kóz­diń jaýyn alar qoltańbalary tur. 

Jeke sheberhanamdy ashsam degen úlken maqsatym bar. Ynta-yqylasy bar jastar bol­sa, shákirtter tárbıeleý ja­ǵy da oıymda. Qajetti qu­­ral-saımandarymdy da to­lyq­tap alǵym keledi, – deıdi Er­jan aldaǵy jospary týraly áń­gimelep.
 
Qanat BIRJANSAL,

jýrnalıst

Almaty oblysy