Jarysqa 16 komandadan quralǵan 233 atlet qatysady (152 – ul, 81- qyz). Sportshylardyń deni - Qazaqstannyń oblystary men qalalarynan kelgen.
Jarystyń jattyqtyrýshylar jáne tóreshiler quramy atap ótkendeı, Almaty, Almaty oblysy jáne Qyzylorda oblystarynyń komandalary dástúrli túrde myqtylyǵymen kózge túsken.
«Biz Qazaqstan aýyr atletıkasynyń ustahanasy - Qyzylorda qalasynda osy deńgeıdegi kezekti jarysty ótkizýge qýanyshtymyz. Jaqynda qyzylordalyq aýyr atletıka mektebiniń tárbıelenýshileri – jas atletter Esengeldi Sapı men Rahat Bekbolat Qazaqstan halqyna Naýryz merekesine syılyq jasap, Las-Vegas qalasynda ótken Jastar arasynda aýyr atletıkadan Álem chempıonatynda altyn medaldardy jeńip aldy. Osyndaı óńirlik is-sharalardy joǵary deńgeıde ótkizý Qazaqstan jastary arasynda aýyr atletıkanyń dáriptelýine jáne osy sport túrinde jańa juldyzdardyń paıda bolýyna septigin tıgizedi dep úmittenemiz», dedi Aýyr atletıka federasııasynyń atqarýshy dırektory Aldııar Nýralınov.
