Elimizge saı damyp, qyzmet etýdemiz
Beısenbi, 27 jeltoqsan 2012 7:24
Ońtústik Qazaqstan oblysy Kedendik baqylaý departamentine qarasty Maqtaaral aýdanynda ornalasqan «Atameken» keden beketi úshin 2012 jyl ózgeshe jyl boldy. Osy jyly keden beketi qyzmetkerleriniń kópten kútken, jańa zaman talabyna saı keden beketiniń jańa ǵımaraty iske qosyldy. Jańa ǵımarattyń kedendik aımaǵynda elektrondy ótkizý júıesi, radıasııalyq baqylaýdyń avtomattandyrylǵan júıesi, rentgen televızııalyq apparat, Skan-jolaýshy, taýarlardyń jetkizilýin baqylaıtyn avtomattandyrylǵan júıesi, ınspeksııalyq tekserý keshenderi, kedendik rásimdeýdiń elektrondy deklarasııa qabyldaıtyn arnaıy oryndary ornalasqan.
Beısenbi, 27 jeltoqsan 2012 7:24
Ońtústik Qazaqstan oblysy Kedendik baqylaý departamentine qarasty Maqtaaral aýdanynda ornalasqan «Atameken» keden beketi úshin 2012 jyl ózgeshe jyl boldy. Osy jyly keden beketi qyzmetkerleriniń kópten kútken, jańa zaman talabyna saı keden beketiniń jańa ǵımaraty iske qosyldy. Jańa ǵımarattyń kedendik aımaǵynda elektrondy ótkizý júıesi, radıasııalyq baqylaýdyń avtomattandyrylǵan júıesi, rentgen televızııalyq apparat, Skan-jolaýshy, taýarlardyń jetkizilýin baqylaıtyn avtomattandyrylǵan júıesi, ınspeksııalyq tekserý keshenderi, kedendik rásimdeýdiń elektrondy deklarasııa qabyldaıtyn arnaıy oryndary ornalasqan.
Osy jańa qondyrǵy júıeleriniń arqasynda Keden odaǵynyń kedendik shekarasy arqyly júretin jolaýshylardyń, syrtqy ekonomıkaǵa qatysýshylardyń, kólik quraldary men taýarlardyń ótýi barynsha jeńildetilgen. Sonymen qatar, kedendik shekara arqyly ótý ýaqyty burynǵyǵa qaraǵanda, eki esege kemip, syrtqy ekonomıkalyq qatysýshylardyń jumys isteý jaǵdaılary jáne de keden beketindegi keden qyzmetkerleriniń jumys oryndary tolyǵymen avtomattandyrylǵan.
Keden organdarynyń shtattyq qurylymyn durys paıdalaný, keden organdarynyń aldyna qoıylǵan sharalardy tıimdi iske asyrý maqsatynda Keden odaǵynyń syrtqy shekara aýmaǵyn nyǵaıtý úshin jaqynda № SSh-22 Qazaqstan Respýblıkasy Qarjy mınıstrligi Kedendik baqylaý komıtetiniń tóraǵasy M.Esenbaevtyń buıryǵymen «Maqtaaral» keden beketi «Atameken» keden beketi bolyp ózgertildi, sonymen qatar «Atameken» keden beketiniń kody «55503»-ten, «55502»-ge aýystyryldy.
Keden beketi OQO Maqtaaral aýdany «Atakent-Syrdarııa» avtojolynda, Qazaqstan Respýblıkasynyń О́zbekstan Respýblıkasymen shektesetin Keden odaǵy kedendik shekarasynda ornalasqan. Keden beketin óz jurtymyzdyń sheteldermen qarym-qatynas jasaýyn jandandyrýǵa yqpalyn tıgizip kele jatqan Maqtaaral aýdanyndaǵy úlken dostyq kópiri desek bolady.
«Atameken» keden beketi Qazaqstan Respýblıkasynyń Prezıdenti – Elbasy N.Á.Nazarbaevtyń 2012 jyly 27 qańtardaǵy Qazaqstan halqyna arnaǵan «Áleýmettik-ekonomıkalyq jańǵyrtý – Qazaqstan damýynyń basty baǵyty» atty Joldaýyn oryndaý maqsatynda birshama jumystar atqardy. Keden beketi qyzmetkerleriniń uıymshyldyǵy men tııanaqty eńbeginiń arqasynda bıylǵy jyly 607 taýarǵa arnalǵan deklarasııalar resimdelip, memlekettik bıýdjetke 294 mln. teńge kedendik tólemder men salyqtar tústi, alǵa qoıylǵan boljamdy jospar 120 paıyzǵa oryndaldy. Endi Elbasynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýy boıynsha jumyla jumys isteıtin bolamyz.
Taǵy bir aıta ketetin jaıt, – OQO KBD «Atameken» keden beketiniń kontrabandaǵa qarsy kúres bólimshesine qarasty qyzmetkerleri, negizinen alǵanda, attestattaýdan tabysty ótti. Al jalpysynda keden isi salasyndaǵy qylmystar men quqyq buzýshylyqtardy anyqtaý maqsatyndaǵy keden beketi qyzmetkerleriniń qyraǵylyǵynyń arqasynda ústimizdegi jyly 244 ákimshilik ister aıqyndaldy. Qozǵalǵan ákimshilik ister boıynsha memlekettik bıýdjetke quqyq buzýshylardan 2 235 576 teńge aıyppul óndirildi. Sonymen qatar, QR QK 250, 209-baptary boıynsha 2 qylmystyq is qozǵaldy.
Qazirgi tańda keden beketiniń basshysy Nuraly Bekenovtiń basshylyǵymen «Atameken» keden beketinde 60-qa tarta keden qyzmetkerleri Otanymyzdyń ekonomıkalyq qaýipsizdigin qamtamasyz etý, el Úkimetiniń keden qyzmetkerleriniń aldyna qoıǵan tapsyrmalaryn tolyǵymen oryndaý maqsatynda adal qyzmet atqaryp keledi dep tolyq senimmen aıta alamyz.
Elbasy N.Nazarbaevtyń qazaqstandyqtardy jumyspen qamtý, eńbek resýrstarynyń jınaqylyǵyn arttyrý, Qazaqstannyń ekonomıkalyq belsendi ortalyqtarynda jumysqa ornalastyrýǵa basymdyq berý jáne de 2020 jylǵa deıin 1,5 mıllıon adamdy jumysqa ornalastyrý tapsyrmasyna sáıkes Ońtústik Qazaqstan oblysy Kedendik baqylaý departamenti boıynsha 70-ke tarta qyzmetker jumysqa qabyldanyp, sonyń ishinde «Atameken» keden beketine 9 jas maman jumysqa alyndy. Al «Qoljetimdi turǵyn úı-2020» baǵdarlamasy boıynsha, Ońtústik Qazaqstan oblysy Kedendik baqylaý departamenti 110 páterli 16 turǵyn úıdi Saryaǵash aýdany «Samal» shaǵyn aýdanynda iske qossa, 4 páter «Atameken» keden beketiniń qyzmetkerlerine berildi.
Pármen MOLDABEKOV,
«Atameken» keden beketiniń bas mamany.
Ońtústik Qazaqstan
oblysy.
