Temir torda da qylmysyn jalǵastyrdy
Beısenbi, 13 jeltoqsan 2012 7:05
Tún ortasynda nemese tań aldynda shyryldaǵan telefonnyń daýysy kimdi bolmasyn, ásirese, balalary jumys babymen shalǵaıda júrgen ata-analardyń boıyna birden úreı týǵyzatyny aıdaı aqıqat. О́ıtkeni, sondaıda, birden: «Balam aman ba eken?» degen oı keledi. Al, beımezgil ýaqytta soǵylǵan telefon tutqasyndaǵy jigit: «Mama, mama», dep jalynyshty únmen jalbaryna til qatsa she?! Esinen aıyrylatyndaı kúı keshken sheshe bolsa ulynyń daýysyn anyqtaýǵa da shamasy kelmeı, abdyrap qalatyndyǵy sózsiz. Dál sol sátte baýyr eti – balasy úshin qajet bolsa janyn berýge de daıyndardyń kóptigine kóz jetkizgen alaıaqtar sondaı jandardyń birqataryn óz «tuzaqtaryna» túsirip te úlgeredi.
Beısenbi, 13 jeltoqsan 2012 7:05
Tún ortasynda nemese tań aldynda shyryldaǵan telefonnyń daýysy kimdi bolmasyn, ásirese, balalary jumys babymen shalǵaıda júrgen ata-analardyń boıyna birden úreı týǵyzatyny aıdaı aqıqat. О́ıtkeni, sondaıda, birden: «Balam aman ba eken?» degen oı keledi. Al, beımezgil ýaqytta soǵylǵan telefon tutqasyndaǵy jigit: «Mama, mama», dep jalynyshty únmen jalbaryna til qatsa she?! Esinen aıyrylatyndaı kúı keshken sheshe bolsa ulynyń daýysyn anyqtaýǵa da shamasy kelmeı, abdyrap qalatyndyǵy sózsiz. Dál sol sátte baýyr eti – balasy úshin qajet bolsa janyn berýge de daıyndardyń kóptigine kóz jetkizgen alaıaqtar sondaı jandardyń birqataryn óz «tuzaqtaryna» túsirip te úlgeredi.
Almaty qalalyq IID krımınaldy polısııa basqarmasy bastyǵynyń orynbasary Qanat Sarymsaqovtyń aıtýynsha, almatylyqtardyń keıbirin áýre-sarsańǵa salǵan bul oqıǵa qazan aıynda bolǵan.
«Jaqyn týysyńyz nemese ulyńyz qazir qamaýda otyr. Eger tez arada ony qutqarǵyńyz kelse, shuǵyl túrde men meken-jaıyn aıtqan jerge eki júz myń teńge ákelińiz. Men polısııa kapıtanymyn, sizge kómektesemin», degen sózge birden qulaı senetinder qazir az emes. Jáne de shyrt uıqydan shoshyp oıanǵan adamnyń birden durys, salmaqty sheshim qabyldaı almaýy da múmkin. Atap aıtarlyǵy, telefon qońyraýy arqyly alaıaqtyq qylmysty uıymdastyrýshy – temir tordyń ar jaǵynda otyrǵan jazasyn óteýshi. Onyń 23 jáne 24 jastaǵy eki sybaılasy arqyly qylmystyq áreketti júzege asyrǵany anyqtaldy», – deıdi polısııa polkovnıgi Qanat Sarymsaqov óz oıyn ortaǵa salyp.
Alaıaqtyq qylmyspen aınalysqan top múshelerinen zardap shekkender qatary tek ońtústik astana turǵyndarymen ǵana shektelmeıdi. Respýblıkanyń ózge óńirlerinde de júzdegen adamnyń osyndaı qolaısyz jaǵdaıǵa tap bolǵany anyqtalǵan. Sala basshylary «Almatyda jarty aıǵa jeter-jetpes ýaqytta osyndaı sıpattaǵy jeti qylmys jasalǵandyǵyn jáne onyń somasy ár jaǵdaıda ózgerip, 200-den 300, 400 myń teńgege deıin kóterilgendigin» tilge tıek etedi. Temir tordyń ar jaǵynda otyrsa da qylmysyn jalǵastyrǵan top jetekshisi aldyn ala alynǵan naqty aqparat boıynsha áreket etken. Tártip saqshylary árbir azamattyń alaıaqtar quryǵyna túsip qalmaýyn da eskertedi. Jasyratyny joq, qyraǵylyq aýadaı qajet jaǵdaıda qanǵa bitken ańǵaldyq pen ańqaýlyq aıasynda qalyp qoıý úlken ókinishke uryndyrýda.
Baqyt BALǴARINA,
«Egemen Qazaqstan».
ALMATY.
