Sot Chelahty ómir boıy bas bostandyǵynan aıyrýǵa kesti
Sársenbi, 12 jeltoqsan 2012 7:28
Taldyqorǵanda áskerı qyzmetshi Chelahqa qatysty qylmystyq is boıynsha basty sot qaraýy aıaqtaldy. Qylmystyq ister jónindegi mamandandyrylǵan aýdanaralyq áskerı sottyń úkimimen Chelah Qazaqstan Respýblıkasynyń Qylmystyq kodeksiniń 96-baptyń 2-bóligindegi «a, v, d, k» tarmaqtarynda, 172-baptyń 1-bóliginde, 175-baptyń 2-bóligindegi «b, v» tarmaqtarynda, 255-baptyń 3-bóligindegi «a» tarmaǵynda, 251-baptyń 1-bóliginde, 387-baptyń 2-bóliginde, 373-baptyń 1-bóliginde jáne 145-baptyń 2-bóliginde qarastyrylǵan qylmystardy jasaǵandyǵy úshin aıypty dep tanyldy.
Sársenbi, 12 jeltoqsan 2012 7:28
Taldyqorǵanda áskerı qyzmetshi Chelahqa qatysty qylmystyq is boıynsha basty sot qaraýy aıaqtaldy. Qylmystyq ister jónindegi mamandandyrylǵan aýdanaralyq áskerı sottyń úkimimen Chelah Qazaqstan Respýblıkasynyń Qylmystyq kodeksiniń 96-baptyń 2-bóligindegi «a, v, d, k» tarmaqtarynda, 172-baptyń 1-bóliginde, 175-baptyń 2-bóligindegi «b, v» tarmaqtarynda, 255-baptyń 3-bóligindegi «a» tarmaǵynda, 251-baptyń 1-bóliginde, 387-baptyń 2-bóliginde, 373-baptyń 1-bóliginde jáne 145-baptyń 2-bóliginde qarastyrylǵan qylmystardy jasaǵandyǵy úshin aıypty dep tanyldy. Osylaısha Chelahqa ómir boıy bas bostandyǵynan aıyrý jazasy kesilip, ol jazasyn erekshe rejimdegi túzeý kolonııasynda óteıtin boldy.
Sonymen qatar, sot talqylaýy barysynda Chelah áskerı qyzmetin ótegen 2 484-áskerı bóliminiń ókilderi sottalýshyǵa 7 847 373 teńge kóleminde materıaldyq zalaldy óteýge talap qoıdy. Sottyń ókimimen atalǵan talap tolyǵymen qanaǵattandyryldy.
Sonymen qatar, sot jábirlenýshi tarap ókilderiniń T.N.Kım, A.A.Sarınov, A.K.Ámerǵalıev, I.M.Sısenov jáne T.Sársenbaevanyń Chelahtan moraldyq shyǵyn óteý týraly talaptaryn jartylaı qanaǵattandyrdy. Sot Chelahtan zardap shegýshi taraptyń árqaısysyna 5 mln. teńgeden, ıaǵnı barlyǵy 25 mln. teńge óndirýge úkim etti.
Buǵan qosa sot Chelahtan memleket kirisine sot saraptamasyna jumsalǵan 803 442 teńge kólemindegi sot shyǵyndaryn óndirýge qaýly shyǵardy.
Úkimge 15 kúnniń ishinde narazylyq bildirýge nemese qaıta shaǵymdanýǵa bolady.
«Egemen-aqparat».
