«26 naýryzda saǵat 09.15-te, Nur-Sultan qalasyndaǵy Uly Dala dańǵyly men Qabanbaı batyr kóshesiniń qıylysynda iri jol-kólik oqıǵasy boldy. Resmı derekterge sáıkes, bul apattan 35 adam zardap shekti, 2 adam qaza boldy, 23 adam aýrýhanaǵa jatqyzyldy jáne 17 adam ártúrli deńgeıde jaraqat alǵan.Qoldanystaǵy zańnamaǵa sáıkes, jolaýshylar qozǵalysynyń qaýipsizdigi úshin kólik quraldaryn tehnıkalyq baıqaýdan ótip, júrgizýshi medısınalyq turǵyda tekseriledi» delingen saýalda.
Sondaı-aq depýtat Indýstrııa jáne ınfraqurylymdyq damý mınıstrliginiń buıryǵyna sáıkes, operatorlardyń tizilimine engizilgen zańdy tulǵalar nemese jeke kásipkerler kólikti tehnıkalyq baıqaýdan ótkizýge jaýap beredi dep atap ótti.
«Densaýlyq saqtaý mınıstrliginiń buıryǵyna sáıkes, dárigerlik tekserýlerge zańdy tulǵalar nemese jeke kásipkerler retinde jaldanǵan medısına qyzmetkerleri jaýapty bolady. Jolaýshylar tasymaly kóptegen adamdarǵa qatysty bolatynyn jáne qaýipsizdikti talap etetinin eskere otyryp, tehnıkalyq jáne medısınalyq tekserýdi júzege asyratyn zańdy tulǵalar men jeke kásipkerlerdiń qyzmetine baqylaýdy jáne jaýapkershilikti kúsheıtý máselesin qaraý qajet dep esepteımin» delingen depýtat saýalynda.
