2017 jyly oblys ákimdigi men halyqaralyq Araldy qutqarý qory uıymdastyrǵan halyqaralyq turaqty damý forýmynda qordyń qurylǵan kúnine oraı 26-shy naýryz - Aral kúni bolyp qabyldanǵan bolatyn. Jıynda halyqaralyq qordyń Qyzylorda fılıalynyń ókili Ibragım Álıev álemdik problemanyń saldaryn joıý jónindegi Ortalyq Azııa memleketteriniń kúsh-jigerin úılestirýdegi uıymnyń roline erekshe toqtaldy. Qor jumysyn bastaǵaly beri ekologııalyq turǵydan saýyqtyrý jáne áleýmettik-ekonomıkalyq túıtkildi tarqatý baǵytynda kóptegen baǵdarlama júzege asyryldy. Qazaqstan Dúnıejúzilik banktiń qoldaýymen teńizdiń soltústik bóligin qalpyna keltirdi.
– Úkimettiń, halyqaralyq uıymdardyń, qarjy uıymdarynyń Aral óńiriniń ekologııalyq, áleýmettik máselelerin sheshýge arnalǵan túrli jobalary men baǵdarlamalaryn túgel tizip shyǵý múmkin emes. Jaǵdaıdy jaqsartý maqsatynda qolǵa alǵan sharalardy áli de jalǵastyra beremiz, – dedi I.Álıev.
Saltanatty jıynda «Aqmeshit» folklorlyq ansambli, «Turan» trıosy jáne ózge de jergilikti ónerpazdar Aral taqyrybyndaǵy án-jyrymen kópshilikke shashý shashty.
Baqtııar TAIJAN,
«Egemen Qazaqstan»
Qyzylorda oblysy
