Bıylǵy 13 naýryzynda «Mańǵystaýmunaıgaz» AQ-ǵa qarasty «Qalamqas» ken ornynyń kúrdeli ýchaskesinde uńǵymanyń qurylysy barysynda ken ornynyń ortalyq bóligine tán tehnogendik sıpattaǵy gaz-sý aralas tabıǵı burqaǵy shyqqan. 25 naýryzda jer betine shyqqan gaz-sý qospasynyń oshaǵy jana bastady.
Jedel shtab qurylyp, onyń quramyna Tótenshe jaǵdaı departamentiniń ókilderi, ekologtar, tártip saqshylary, óndiristik qaýipsizdik mamandary, QMG, «Mańǵystaýmunaıgaz» AQ, «SıBÝ» JShS jáne Mańǵystaý oblysy ákimdiginiń qyzmetkerleri kirdi.
О́rtti aýyzdyqtaý jáne tótenshe jaǵdaıdy joıý úshin barlyq shara qoldanyldy. Tótenshe oqıǵa ornynda 80 maman, 25 túrli tehnıka jumyldyryldy.
28.03.2019 túngi saǵat 01.05-te №8237 uńǵymasy mańaıyndaǵy grıfonda shyqqan órt sóndirildi. Qazirgi tańda, paıda bolǵan grıfondar jabylyp, gaz-sý aralas tabıǵı burqaqtyń jer betine shyǵýy toqtatyldy.
Zardap shekkender men qaza bolǵandar joq. Aldyn ala málimetter boıynsha, materıaldyq shyǵyn kólemi shamaly.
Qazirgi sátte qaıta qalpyna keltirý úshin keshendi jumystar júrgizilýde. Mamandar aldaǵy ýaqytta osyndaı tótenshe jaǵdaılar qaıtalanbas úshin jan-jaqty saraptamalyq jumystaryn júrgizetin bolady.
Gúlaıym ShYNTEMIRQYZY,
«Egemen Qazagstan»
Mańǵystaý oblysy
