Baspasóz - konferensııasy Polkovnık, QR Qarýly Kúshteri Bas shtaby Uıymdastyrý-jumyldyrý jumystary departamentiniń bastyǵy Ardaq KÝKATOV, Medısna qyzmetiniń polkovnıgi, QR QM Ortalyq áskerı-dárigerlik komıssııasynyń bastyǵy Qanat SULTANǴAZIN, Podpolkovnık, QR QK BSh Tárbıe jáne ıdıologııalyq jumystar departamenti psıhologııalyq-sosıologııalyq jáne áskerı-áleýmettik bóliminiń bastyǵy Shynar MUHAMEDJANOVA qatysty.
2019 jyldyń kókteminde QR Qarýly Kúshterine, basqa da áskerleri men áskerı quralymdaryna keıinge qaldyrylýǵa jáne shaqyrylýdan bosatylýǵa quqyǵy joq 18 ben 27 jas aralyǵyndaǵy azamattardy shaqyrý josparlanýda.
Kóktemgi shaqyrý naýqany qarsańynda Qorǵanys mınıstriniń qatysýymen qorǵanys isteri jónindegi departamentter jáne basqarmalardyń bastyqtarymen semınar ótkizilip, ózekti máseleler talqylandy, sondaı-aq JÁBO-nyń qyzmetin odan ári jetildirý boıynsha ońtaıly sheshimder daıyndaldy. Tyń ózgeristerdi eskere otyryp, shaqyrý barysynda zańnamalyq deńgeıde merzimdi áskerı qyzmetti ótkerýden jaltarýǵa tyrysatyn adamdar erekshe baqylaýǵa alynady. Sondaı-aq olardyń tarapynan shaǵymdy boldyrmaı shaqyrylýshylar jáne olardyń ata-analarymen sapaly uıymdastyrylǵan jumysty ótkizýge nazar aýdaryldy.
Merzimdi áskerı qyzmetke azamattardy shaqyrý kezinde sybaılas jemqorlyq zańnamasy men minez-qulyq ádebin mindetti túrde saqtaý jóninde sharalar qarastyrylǵan. Aǵymdaǵy jylǵy 1 naýryzynan bastap «Áskerı qyzmet pen áskerı qyzmetshilerdiń mártebesi týraly» QR 2012 jylǵy 16 aqpandaǵy Zańyna, sondaı-aq «Áskerı qyzmettiń belgilengen merzimin ótkergen merzimdi áskerı qyzmetshilerdiń zapasqa bosatylýy jáne 2019 jylǵy naýryz-maýsym jáne qyrkúıek – jeltoqsanda QR-nyń azamattaryn merzimdi áskerı qyzmetke shaqyrý týraly» QR Prezıdentiniń 2019 jylǵy 13 aqpandaǵy №840 Jarlyǵyna sáıkes shaqyrý jáne medısınalyq komıssııalar QR Qarýly Kúshterin, basqa da áskerleri men áskerı quralymdaryn jas tolymmen sapaly jasaqtaý jónindegi jumysqa kiriskenin esterińizge sala keteıik.
О́tkizilgen taldaý nátıjeleri boıynsha Qorǵanys mınıstri áskerı bólimge attanar kezinde shaqyrylýshylardyń sátti beıimdelýi maqsatynda olardyń kıim-keshekpen, tamaq jáne ózge de tıesili jabdyqtalym túrlerimen qamtamasyz etýdi jalǵastyrý týraly sheshim qabyldandy. Áskerı kıimdi kııý arqyly, jasóspirimder naǵyz Otan qorǵaýshylardyń aldynda turǵan jaýapkershilikti túsine bastaıdy. Áskerı bólimder boıynsha shaqyrylýshylardy irikteý jáne bólý kezinde aldyn ala zerdeleý nátıjeleri jáne olardyń shaqyrylýǵa deıingi mamandyqtary eskeriledi.
