Búgin Qazaqstan Qarýly Kúshteriniń barlyq áskerı bólimderi men quramalarynda mıtıngter ótkizildi. Onda jeke quram qaza tapqan qyzmettesterin 1 únsizdik mınýtymen qurmet kórsetti.
Keshe oqý-jattyǵý barysynda QR QK tikushaǵynyń apatqa ushyraý saldarynan bortta bolǵan 13 áskerı qyzmetshi kóz jumdy. Qazaqstan Qarýly Kúshteriniń barsha jeke quramy qaza bolǵan qyzmettesteriniń týysqandary men jaqyndarynyń qaıǵysyna ortaqtasyp, kóńil aıtady. Bul Qazaqstan armııasy úshin orny tolmas qaıǵy. Olar aqtyq demderi qalǵansha ózderiniń áskerı boryshtaryn adal oryndady. Qyzmettesteri týraly jarqyn estelik batyrlyq, janqııarlyq pen patrıotızmniń úlgisi retinde áskerı qyzmetshilerdiń jadynda máńgi este qalady.
