Konkýrs barysynda áskerı medısınalyq qyzmet mamandary áskerılerdiń jaýyngerlik daıarlyǵy barysyndaǵy medısınalyq qamtamasyz etýdegi ózderiniń kásibı deńgeıi men biliktilikterin kórsetti. Konkýrs eki kezeńge bólindi, birinshisi - «Jeke sheberlik», al ekinshisi - «Komandalyq sheberlik». Birinshi kezeń barysynda áskerı qyzmetshiler áskerı-sporttyq kedergilerden ótse, keıin shtattyq qarýlardan atys oryndap, arnaıy dıstansııada jeke quramǵa medısınalyq kómek kórsetý boıynsha normatıvterdi oryndady. Ekinshi kezeń, arnaıy oqý-taktıkalyq alańda jáne tankodrom marshrýtynda ótti, ol jerde mehanık-júrgizýshiler óńirdiń kúrdeli jaǵdaıynda júrgizý sheberlikterin kórsetti.
Áskerı medısınalyq qyzmetkerler shartty túrde jaraqattanǵan adamdy áskerı tehnıkadan alyp shyǵyp, birinshi medısınalyq-sanıtarlyq kómekti kórsetý boıynsha kásibı biliktilikterin jaqsy kórsete aldy. Ekinshi kezeńde mehanık-júrgizýshiniń urys jaǵdaıynda áskerı tehnıkany basqarý sheberligi barlyǵyn ornyna qoıdy.
«Álem jaýyngeri» halyqaralyq áskerı oıyndar konkýrsyna qatysatyn komanda quramyna 7 áıel jáne 7 er adam kiredi. Onyń ekeýi dáriger, 6 medısınalyq maman jáne 2 mehanık-júrgizýshiler men qosalqy qatysýshylar.
Daıyndyq sońynda Qarýly Kúshterdiń irikteý jarysynan ótken áskerı qyzmetshiler О́zbekstan Respýblıkasynda ótetin halyqaralyq armııalyq oıyndar etapyna qatysatyn bolady.
Gúlaıym ShYNTEMIRQYZY,
«Egemen Qazagstan»
Mańǵystaý oblysy
