Oblysymyzdaǵy turmys deńgeıi tómen az qamtylǵan otbasylardyń jeke kásipterin ashýyna múmkindik týǵyzyp, qajetti qural jabdyqtar men kerekti aqparattar bere otyryp áleýmettik jaǵdaıyn jaqsartýdy kózdegen joba jetekshisi belgili kásipker A.Nurlanova bul sharanyń Mańǵystaý oblysy ákimi men osy óńirdegi iri kompanııalardan qoldaý tapqandyǵyn aıtty.
Qazirgi tańda, atalǵan joba barysynda oblys boıynsha 50-den astam otbasy óz jeke kásibiniń ıesi bolyp, úlgerdi. Áli de Jańaózen qalasyndaǵy 100 otbasyǵa qoldaý kórsetilmekshi. Bul oraıda, eń aldymen nıet bildirýshi analardyń oı-pikirleri, usynystary tyńdalyp, soǵan sáıkes baǵyttar beriledi. Jeke kásibin dóńgeletýge qajetti barlyq qural-saımandar, materıaldar, zamanaýı tehnıkalar alynyp berilip qana qoımaı, ónimderin brendke aınaldyrý maqsatynda ár qaısysyna jeke belgileri (logotıpteri) jasaldy, qaladaǵy iri oıyn-saýyq oryndarynan saýda núkteleri berildi.
On jyldan beri tiginshilikpen aınalysyp, kópten beri jeke kásibin arman etken analardyń biri A.Igıbaeva men Teńge aýylynda turatyn eki múgedek bala tárbıelep otyrǵan kópbalaly ana G.Alshora atalmysh joba aıasynda «Zere» belgisimen halyqqa ár túrli úı pisirmelerin usynatyn boldy. Jeke kásipkerge kásibine qajetti barlyq kerek jaraqtary alynyp berilgen.
Joba jetekshisiniń aıtýynsha, qazirgi tańda Jańaózende ZERE aspazdyq ónimderi, XAN BIBI atelier tigin sheberhanasy, ALITORT kondıterlik ónimi, OZEN NAN nan ónimderi, jyly jaılar, qus sharýashylyǵy t.b brendter paıda bolǵan.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
