29 Naýryz, 2019

Kásibı mamansyz is bitpeıdi

310 retkórsetildi

Qazirgi tańda elimizde jumysshy mamandyqtaryna degen suranystyń arta túskeni baıqalady. Memleket basshysy bilim salasyna qatysty bıik minberlerden sóılegen sózderinde kásiptik bilim berý máselesine barynsha basymdyq berý qajettigine nazar aýdaryp keledi. Túptep kelgende, munyń ózi osy kásip túrleriniń mamandaryn daıarlaıtyn orta arnaýly oqý oryndary mártebesiniń kóterilýine de yqpalyn tıgizedi. Búginde tiginshi, etikshi, aspaz nemese dánekerleýshi bolý – arlanatyn emes, jumysshy adamdy eshteńeden taryqtyrmaı, asyraıtyn tabys kózine aınaldy. 

Qaraǵandy tehnologııa jáne servıs kolledji de biz kúndelikti turmysta qyzmetine júginetin shashtaraz, tiginshi, tehnık-jóndeýshiler, aıaq kıim sheberleri jáne is qaǵaz­da­ryn júrgizýshiler sııaqty mamandardy daıarlaıdy. Oqý ornymen jaqynyraq tanysqanda, onyń qabyrǵasynda bilim alyp jatqan 400-den astam stýdenttiń kúni erteń jumyssyz qalmaıtynyna degen senim kúsheıe túsedi. 

«Bizdiń jumysymyzdaǵy eń basty kórsetkish, – deıdi kolledj dırektory Jumaǵalı Maǵzıev, – dıplom alǵan túlekterimizdiń jumyspen baryn­sha qamtamasyz etilýi. Bul úshin stýdent­­terimizge sapaly, halyq­­ara­­lyq standart­tar­ǵa saı bilim berip, bolashaq kadrlardy bilikti etip shyǵa­rý­ǵa bar kúshimizdi salamyz». Osy baǵytta kolledjde qolǵa alynǵan tyń jobalar da jeterlik. Bilim oshaǵynda oqytylatyn barlyq mamandyq boıynsha áleýmettik seriktestermen tyǵyz qarym-qaty­nas ornatylǵan. Munyń ózi erteń túlekterdiń jumys­syz qal­maýyna berik kepil bola alady. Al búginge deıingi statıs­tıkalyq kór­set­kishke súıen­sek, dıplom alǵan stýdent­terdiń shamamen alǵanda 60 paıyz­dan astamy mamandyq boıynsha ju­mysqa ornalasady eken.

Zaman talabyna saı jumys isteý­ge umtylǵan kolledjde byltyr oblys­ta tuńǵysh ret avtomat­tan­dyrylǵan kıim úlgisin jasaý (SAPR) júıesi boıynsha arnaıy kýrsty Máskeýden kelgen mamandar uıymdastyryp, oqytýshylar sertıfıkat jáne qashyqtyqtan oqýǵa arnalǵan úsh aılyq synaq kiltin aldy. Sonymen qatar bıyl kolledj basshylyǵy E.Bóketov atyndaǵy Qara­ǵandy memlekettik ýnıver­sı­tetimen kelisimshartqa otyryp, oqý ornynan «Kólik jáne kásip­­tik oqytý» kafedrasynyń fılıa­lyn ashqan. Budan bólek, oqý ornynda múmkin­di­gi shekteýli jan­dar­ǵa arnalǵan ınklıý­zıvtik top ashylǵaly jatyr. Onda nashar estıtin 8 bala tiginshi, al densaýlyǵy dál sondaı jáne aqyl-esinde jeńil-jelpi aýytqýshylyq bar taǵy úsh stýdent aıaq kıim sheberi maman­dyǵyna oqıtyn bolady.

Kolledjdiń stýdentteri elimizde jyl saıyn ótip turatyn WorldSkills ká­sip­tik sheberlik konkýrsyna 2016 jyldan beri qatysyp keledi. Baı­qaý­dyń oblystyq deńgeıdegi synynda oqý ornynyń stýdentteri júldeden qur qalyp kórgen emes. Mysaly, 2016 jyly kolledj stýdenti Aıaýlym Iýsýpbekova «Shashtaraz óneri» atalymy boıynsha 2-oryn alsa, arada bir jyl ótkende Maqpal Hasenova esimdi shákirt «Tigin óndirisi jáne kıimderdi úlgileý» boıynsha 1-oryndy jeńip alyp, respýblıkalyq synǵa joldama aldy. Ol sol jyly ótken respýblıkalyq chempıonatta fına­lıst atandy. 2018 jyly kolledj stýdenti Janaıym Maqsut oblys­tyq synda «Dızaın jáne kıimdi modeldeý» atalymy bo­ıynsha úzdik shyǵyp, respýblıkalyq sa­ıysta baq synaý múmkindigine ıe boldy. Al byltyr qarasha aıynda Astanada ótken Qazaqstan chempıonatynda ol Qaraǵandy oblysy bo­ıynsha tuńǵysh ret altyn medalǵa ıe bolyp, Reseıdiń Qazan qalasynda óte­tin «WorldSkills Qazan-2019» halyq­aralyq chempıonatyna qatysý joldamasyn jeńip aldy.

J.Maqsut kol­led­jdiń 2-kýrsyn­da oqıdy. Ustazy Gúlnár Jumına­nyń aıtýynsha, qaz­ir­gi tań­da olar álem chempıonatyna qyzý daıyn­dyq júrgizip jatyr eken. Eń birinshi kezekte árbir qatysýshy aǵyl­shyn tilin jetik meńgerýi kerek. О́ıtkeni halyqaralyq saıys sharty boıynsha úmitkerlerge tapsyrma aǵylshyn tilinde beriledi, qatysýshylar da qazylar aldynda jumystaryn túgeldeı sol tilde túsin­dirip otyrýy kerek. 

«Qazandaǵy álem chempıonaty úsh kezeń boıynsha ótedi. Úmit­­kerler birinshi eskız jasaıdy, odan keıin maketpen jumys isteıdi. Sodan soń baryp palto tige­tin bolady. Qazirgi ýaqytta daıyn­dyq jumystary óz aldyna, Janaıym ekeýmiz aǵylshyn tili­niń oqytýshysy Toǵjan Smaǵul­ova­­dan da arnaıy dáris alyp júrmiz», deıdi G.Jumına.

Taıaýda Qaraǵandy tehnologııa jáne servıs kolledjinde Parlament Senatynyń depýtaty R.Ábdikerov bol­yp, oqý orny­nyń tynys-tirshi­ligimen tanysty. Senator stýdent­ter­diń ınnovasııalyq turǵydaǵy jetistikteri men oqý kabınetteriniń tehnı­kalyq jabdyqtalýyna rıza­shy­lyq bildirdi. 

«Sizder qazirgi tańda jáne bola­shaq­ta zor suranysqa ıe mamandyq ıelerin daıarlap jatyrsyzdar, – dedi Rysqalı Ábdikerov. – Kolledjdiń materıal­dyq-tehnı­ka­­lyq bazasynyń zamanǵa saı jab­dyq­talýy kóńilden shyqty. Stýdent­terdi halyqaralyq baǵdar­la­­malardyń talaptaryna saı oqy­tý­ǵa degen umtylystyń, jańa­shyl­­dyqqa qushtarlyq pen izdenistiń izsiz qalmaıtyny belgili. Munyń bári Elbasynyń tehnıkalyq jáne kásiptik bilim berýdiń jańa júıesin qalyptastyrý boıynsha aldymyzǵa qoıǵan mindetterin oryndaý barysynda jemisin beredi dep oılaımyn». 

Sonymen qatar Senat depýtaty kolledj maqtanyshy Janaıym Maqsut pen onyń tálimgeri Gúlnár Jumınamen áńgimelesip, olardyń Qazan qalasynda ótetin «WorldSkills Qazan-2019» álem chempıonatyna daıyndyqtarymen tanysyp, aldaǵy aıtýly synnan súrin­beı ótýge tilektestik bildirdi.

Qazirgi tańda Qaraǵandy obly­sy boıynsha kezinde ataǵy jer jarǵan kásiporyndar qaıtadan qal­pyna keltirile bastady. Onyń qatar­yna Abaı tigin fabrıkasy men Qaraǵandy aıaq kıim fabrıkasyn jatqyzýǵa bolady. Bolashaqta jeńil óner­kásiptiń atalǵan oshaqtary to­lyq qýatymen jumys istep ketkende, kenshiler astana­syndaǵy tehnologııa jáne servıs kol­ledjin bitirip shyqqan bilikti kadrlardyń da dalada qalmasyna senim mol.

Qaırat ÁBILDA,

«Egemen Qazaqstan»

QARAǴANDY

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar