Aǵylshyn tilin jetik bilý – artyqshylyq

«Maǵan jaqsy muǵalim bárinen de qymbat, óıt­keni muǵalim – mekteptiń júregi» dep Ybyraı Altynsarın aıtqandaı, ustaz – ulaǵatty esim. Shy­­na­ıy ustaz shákirt júregine jol taba bile­di, jastarǵa baǵyt-baǵdar berip, olardy adam­ger­shi­lik­ke, adal­dyq­qa, bilimge umtylýǵa jeteleıdi. Sondaı asyl qasıet­terdi boıyna jıǵan ustaz­dyń biri – Mań­ǵys­taý oblysynyń Jańaózen qala­syndaǵy №10 orta mektep dırektorynyń tár­bıe jumysy jónindegi orynbasary, hımııa páni­niń muǵalimi Elmıra Dosybaı. «Ustaz bolý óz ýaqytyńdy aıamaı, ózgeniń baqy­tyn aıalaý» dep uly jazýshy Muhtar Áýezov aıt­qandaı, Elmıra ustazdyqtyń qyr-syryn meń­ge­rýge jete talap­ta­nýdyń nátıjesinde jas ta bolsa kóp­tegen jetis­tik­ke qol jetkizdi. 

Jubaıy áskerı qyzmetker bolǵandyqtan, Jańa­óz­en qalasyndaǵy №10 orta mektebine jýyr­da aýysyp kelgen E.Dosybaı birqatar mádenı is-shara men hımııa páni boıynsha ashyq sabaqtar, qala kóleminde birneshe semınar ótkizip, jastarǵa sanaly tárbıe men tereń bilim berýde ujym men ata-analar tarapynan iltıpatqa ıe bolyp otyr.

Jaqynda mektebimizdiń 7 «A» synyp oqýshy­la­ry­men úsh tilde oqytýǵa baılanysty jańa formatta aǵylshyn tilinde ótkizgen qalalyq semınarǵa qatysý­shylar, muǵalimder jáne mentor Perızat Baıtı­kova muǵalimniń aǵylshyn tilinde sabaq ótkiz­ýin, jańasha ádis-tásilderdi qoldanýyn, beıne jáne foto materıal­dar­dy oryndy paıdalana bilýin joǵary baǵalady. Jýyrda E.Dosybaı qala­lyq muǵalimder olımpıadasynda II orynǵa ıe boldy. Mektep tynys-tirshiligine qarap, berilgen tap­syr­many ýaqytymen atqarǵany úshin Jańaózen qala­lyq jastar resýrstary ortalyǵynyń dırektory Ǵ.Qurmanǵalıevtiń alǵys haty jáne tósbelgisimen mara­pattaldy.

«Ustaz – jaratylysynan ózine aıtylǵannyń bárin jete túsingen, kórgen, estigen jáne ańǵarǵan nárse­lerdi jadynda jaqsy saqtaıtyn, esh­nár­seni umytpaıtyn, alǵyr da ańǵarympaz aqyl ıesi, meılinshe sheshen, óner-bilimge qushtar, asa qanaǵatshyl, jany asqaq jáne ar-namysyn ardaq­taıtyn, jaqyndaryna da, jat adamdaryna da ádil, jurttyń bárine jaqsylyq pen izgilik kór­se­tip, qorqynysh pen jasqaný degendi bilmeıtin batyl, erjúrek bolýy kerek» dep dana ál-Farabı aıtqandaı, Elmıra Keldebekqyzynyń balalar aldynda óziniń barlyq adamı bolmysymen, peda­go­gı­ka­lyq mádenıetimen úlgi bolýy kóńilge shýaq quıady. 

Aınur ShAMOVA,

№10 orta mekteptiń orys tili men ádebıeti pániniń muǵalimi 

Mańǵystaý oblysy, Jańaózen qalasy