Saıasat • 29 Naýryz, 2019

ShQO-nyń túzeý mekemelerindegi baǵdarlamalarda kemshilikter anyqtaldy

349 retkórsetildi

Shyǵys Qazaqstan oblysynyń prokýratýrasynda vedomstvoaralyq keńes otyrysy ótkizilip, onda penıtensıarlyq probasııa salasynda zańdylyq jaı-kúıiniń máseleleri talqylandy. Keńes jumysyna qylmystyq-atqarý júıesi departamentiniń basshylyǵy, túzeý mekemeleriniń, qalalyq, aýdandyq probasııa qyzmetiniń bastyqtary, qala, aýdan prokýrorlary qatysty.

Atalǵan baǵytta QAJD organdary júrgizip jatqan naqty jumysqa qaramastan, oblys prokýrorlary túzeý mekemeleriniń ákimshilikteri, sondaı-aq, tıisti qyzmetter tarapynan birqatar eleýli kemshilikterdi anyqtaǵan. Negizgi kemshilikterdiń biri – áleýmettik-quqyqtyq kómek kórsetýdiń jeke baǵdarlamalaryn ústirt daıyndaý. Kóbinese onda sottalǵandardyń memlekettik qoldaý sharalarynyń joqtyǵy kórsetiledi, al qarsy tekserý sheńberinde olardyń bul týraly múlde habarsyz ekeni anyqtalǵan. Nátıjesinde 20-dan astam jeke baǵdarlamalar qurastyryldy, tek OV 156/16 mekemesinde 10  jeke baǵdarlama ázirlengen. Probasııa qyzmeti men túzeý mekemeleriniń arasynda jeke baǵdarlamalardy, sottalǵandarǵa aldaǵy ýaqytta bosatylýy týraly habarlamalardy joldaý, olarǵa jınaqtaý isteri men atalǵan sýbektiler men QAJD-niń qyzmetin jalpy úılestirý bóliginde ózara is-qımyldardyń jetkiliksizdigine nazar aýdaryldy.

Probasııa esebindegi tulǵalardyń jazalaryn bas bostandyǵynan aıyrý jazasyna aýystyrý zańdylyǵynyń máselesin talqylaǵanda jáne QAJD organdaryna qaıtalama quqyq buzýshylyqtar týraly eskertý joldaǵan kezde  jeńil jazany aýystyrý týraly usynysty engizý kezinde naqty sharalardy qamtamasyz etip, prokýrorlarǵa osyndaı ister boıynsha dáıekti ustanymdy qoldaý jóninde tapsyrma júkteldi. Keńes otyrysynyń qorytyndylary boıynsha jazany aýystyrý máseleleri jáne penıtensıarlyq probasııa zańdylyǵyn nyǵaıtýǵa baǵyttalǵan birqatar usynystar berildi. «Barlyq probasııa sýbektileriniń kelisilgen jumysy, olarǵa zańmen júktelgen mindetterin qatań saqtaý, qylmystyq saıasatty izgilendirý aıasynda erekshe mańyzǵa ıe ınstıtýttyń ári qaraı damýyna yqpal etip, sottalǵandardyń quqyqtaryn qorǵaýyn qamtamasyz etedi»,- deıdi oblys prokýrorynyń orynbasary A.Tileshev.  

Azamat QASYM,

«Egemen Qazaqstan»

О́SKEMEN

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar