Rýhanııat • 30 Naýryz, 2019

Almaty mýzeıinde «Mánshúktiń rýhyna taǵzym» kórmesi ashyldy

1063 retkórsetildi

Almaty mýzeıinde ashylǵan «Mánshúktiń rýhyna taǵzym» kórmesinde Batys Qazaqstan oblysy Oral qalasyndaǵy M. Mámetovanyń memorıaldyq mýzeıinen ákelingen júzden astam esponat kórme zalyna qoıyldy.

Qazaqtyń qaharman qyzy Mánshúktiń ot keshken taǵdyry ısi qazaqqa málim. KSRO-nyń Joǵarǵy Keńes Prezıdıýmynyń buıryǵymen 1944 jyly 1 naýryzda Mánshúk Mámetovaǵa Keńes Odaǵynyń Batyry ataǵy berildi. 
Bul kóremege Almaty qalasyndaǵy Mánshúk Mámetova atyndaǵy №28 mektep ujymy da úlken qolǵabys etti.
Almaty mýzeıiniń dırektory Baqbergen Taıshıev qazaq halqynyń qaharman qyzdary  Mánshúk pen Álııanyń erligi haqynda tolǵanyp, Shyǵystyń qos juldyzynyń II Dúnıejúzilik soǵysta kórsetken eren erligi búgingi urpaqqa úlgi-ónege ekendigin atap ótse,  Oral qalasy jergilikti ólketaný mýzeıi dırektorynyń orynbasary Ajar Berdiqalıqyzy 180 jyldan astam tarıhy bar mýzeı tarıhyna toqtalyp, Mánshúk rýhyna arnalǵan kórmeniń mańyzdylyǵyn atap ótti. Kórmege arnaıy shaqyrylǵan  Mánshúk Mámetovanyń týystary Sholpan jáne Aıman Mametovalar, Tamara Qalısarqyzy estelikterimen bólisti. Mánshúktiń nemis basqynshylarymen kúrestegi erligi haqynda aıtylǵan estelikter stýdentter men mektep oqýshylarynyń tereń tolǵanysyn týǵyzdy.

ALMATY

Sońǵy jańalyqtar

Abaı jáne Marjanı dúnıetanymy

Rýhanııat • Keshe

Uqsas jańalyqtar