Forým barysynda Qazaqstan, Reseı, Qyrǵyzstan, Tájikstan jáne О́zbekstannan kelgen 150-den astam qatysýshylar kásipkerlikke baýlý, bastapqy jabalardan bastap startap jobalarǵa deıingi kezeń, «bıznes-ınkýbatorlar» tehnologııalary, kósbasshy jáne «tanymal komandalardy» qalyptastyrý baǵytyndaǵy ınteraktıvti alańda trenıngter, isker oıyndar, sheberlik saǵattaryn ótkizip, pikir almasyp, óz jetistikterimen bólisti.
Sharanyń kún tártibinde qarastyrylǵan aımaqtardaǵy jastar saıasaty, jastardyń azamattyq belsendiligin arttyrý tetikteri, kásibı deńgeılerin kóterý baǵytynda da saraptamalar jasalyp, usynystar tyńdaldy.
Forýmda «Jas Otan» jastar qanatynyń, Almaty qalasy Kásipkerler palatasynyń, Qazaqstan Jastar kongresi, Almaty qalasy Qoǵamdyq keńesiniń ókilderimen qatar bıznes psıhologtar, bıznes sarapshylar, IT salasyndaǵy úzdik jetistikterdiń, sonymen qatar Qazaqstan, Reseı jáne Ortalyq Azııa elderinde áleýmettik kásipkerlikti damytý avtorlarymen kezdesýler ótti. «Eýrazııa jastary: bolashaqqa birlesken adam» jáne «Isker Eýrazııa» baıqaýlarynyń jeńimpazdary – jastar jobalarynyń da tanystyrylymy ótti.
Almaty
