Búgingi tańda «Qumshaǵal», «Shóldala» turǵyn alqaptary men 28 saıajaı kiretin qalanyń №11-shi ákimshilik aýmaǵynda 20 myńǵa jýyq adam tirkelgen. Aýmaq negizinen saıajaılar men biryńǵaı shaǵyn úılerden turady. Munda 7 mektep bar, onyń ishinde 900 oqýshyǵa arnalǵan jetinshi mekteptiń ǵımaraty ótken jyly «Shóldalada» paıdalanýǵa berilgen. «Shóldala» men «Qumshaǵal» alqaby turǵyndaryna eki otbasylyq-dárigerlik ambýlatorııa medısınalyq qyzmet kórsetedi. Eki aýylda da sport alańdary salynyp, paıdalanýǵa berilgen. Al turǵyndardyń tilegi boıynsha, №54 avtobýs baǵyty boıynsha 9 jańa aıaldama iske qosyldy. Sondaı-aq qala mańyndaǵy ara qashyqtyǵy 3 shaqyrymnan asatyn «Shalǵaı Qarasý» jáne «Shóldala» alqaptarynan qatynap oqıtyn oqýshylardy kólikpen tasymaldaý maqsatynda ótken jyly №55 jáne №19 mektepterge 2 avtobýs satyp alynsa, aǵymdaǵy jyly dál osy jalpy bilim berý oryndaryna qosymsha taǵy da eki avtobýs alynǵan.
«Osydan eki jyl buryn úlken joldan «Kóltoǵan» eldi mekeni arqyly «Jıdelige» deıingi aralyqtaǵy 8 shaqyrymdyq avtomobıl joly orta jóndeýden ótken. «Taraz-Sý» memlekettik kommýnaldyq kásipornynyń osy aýmaqty aýyzsýmen qamtamasyz etý úshin sý-qubyr júıelerin júrgizýine qalalyq máslıhattyń yqpal etýimen 30 mıllıon teńge qarjy bólingen.Degenmen aýmaqta qordalanǵan másele áli de kóp. Búgingi tańda «Qumshaǵal», «Shóldala» alaptaryndaǵy saıajaı alaptaryna qatysty máseleler turaqty baqylaýymyzda. Qos alaptaǵy jalpy turǵyndardyń sany 14 myńǵa jýyqtaıdy. Naqtylaı aıtsaq, «Qumshaǵalǵa» qarasty 13 saıajaı alabynda 1423 aýla bolsa, onda 4298 adam turady. Al «Shóldaladaǵy» 16 saıajaı alabynda 2887 aýla bar. Munda barlyǵy 9300 adam tirshilik etýde», deıdi qala ákimi Ǵ.Ábdiraıymov.
Deı turǵanmen, qalanyń ákimshilik aýmaǵyna engenine bes jyldan assa da, aýyzsý, jaryq, kógildir otyn, jol jáne káriz júıeleri máseleleri oń sheshimin tappaı keledi. Onyń basty sebebi – saıajaı alaptaryna osy kúnge deıin turǵyn jaı alaby mártebesi berilmeýinde bolyp otyr. Burynǵy saıajaı alaptary endi qala quramyna alynǵan. Sondyqtan da qala ákimi shahar aýqymy aıasynda jańǵyrtylý oılastyrylýda ekenin aıtty. Sonymen qatar ákim saıajaılardaǵy baspanalar endi jeke turǵyn úı mártebesine aýystyrylatynyn da jetkizdi. Bul úshin turǵyndardyń tıisti memlekettik tólemderdi tóleýine de týra keledi eken. «Aýyz sý, káriz júıelerin júrgizý jáne jol salý aýmaqtyń egjeı-tegjeılendirý jobalary bekitilgennen keıin, sol jobalardyń negizinde júzege asyryla bastaıtyn bolady. Búginde turǵyndar úıleriniń memlekettik aktilerin jer qatynastary bólimi arqyly qaıta resimdeýde. Saıajaı telimderiniń ádilet organdarynda jeke turǵyn úı telimi retinde tirkelýi kommýnaldyq qyzmetterge tólenetin tarıftik tólemaqylardyń tómendetilýine múmkindik beredi. Osylaı óńir basshysynyń tapsyrmasyn oryndaý jumystaryn bastadyq. Qazir 28 saıajaıǵa qatysty máseleni sheshý maqsatynda qalalyq bıýdjetten 18,5 mıllıon teńge bólindi. Bul qarjyǵa joǵaryda atalǵan egjeı-tegjeıli josparlaý jumystary júrgizilýde. Sondaı-aq oblystyq energetıka basqarmasy tarapynan 24,6 mıllıon teńgege atalǵan aýmaqtan magıstraldy elektr jelileri júıesi salynýda. Buǵan qosymsha jergilikti qazynadan 3 mıllıon teńge qarastyrylyp, ishki elektr jelilerin tartý jobasy daıyndalýda. Budan bólek qurylystar salynǵan qala aýmaǵynda keshendi ınjenerlik-geodezııalyq barlaý jumystaryn júrgizýge oblys qazynasynan 45 mıllıon teńge bólinip otyr», deıdi qala ákimi Ǵ.Ábdiraıymov.
Jalpy qala damýynyń 2025 jylǵa arnalǵan bas jospary 2010 jyly bekitilgeni belgili. Qalalyq ákimdiktiń málimetinshe, búginde osynaý bas jospardaǵy qaıta jańǵyrtylatyn aýmaqtardyń 55,7 paıyzy egjeı-tegjeıli josparlaý jobasymen qamtylǵan. О́tken jyly alǵashqy kezeńderge qurylys jumystaryn jobalaý maqsatynda qala ortalyǵynyń – 102, «Tekturmas» tarıhı-memorıaldyq kesheniniń – 59, «Araı» turǵyn alabynyń – 241 jáne «Kóltoǵan», «Jıdeli», «Qarasaı», «Qyzyl-Abad» turǵyn alaptarynyń 556 gektarlyq bóligine, barlyǵy 958 gektar aýmaqqa egjeı-tegjeıli josparlaý jobalary da ázirlenipti. Ákim bolashaqta bas josparǵa saı mindetterdi tolyqtaı oryndaý maqsatynda jalpy 7072 gektar jer kólemin egjeı-tegjeıli josparlaý jobasymen qamtý qajettigin de aıtty. Bul jumystar úsh kezeńde júzege asatyn bolady. «Ústimizdegi jyly 2960 gektar aýmaq egjeı-tegjeıli josparlaý jobalarymen qamtylatyn bolady. Kelesi kezekte qaladaǵy 6418 gektar kólemindegi qurylysy júrgizilgen aýmaqtarda ınjenerlik-geodezııalyq jumystar júrgizý josparlanyp otyr. Al 2019 jyly onyń 3086 gektary qala bıýdjeti jáne respýblıkalyq «Qala-kadastr» kásiporny esebinen topotúsirilimmen qamtylmaq. «Tekturmas», «Qarasaı», «Rodnıchok», «Aqjol», «Qaınar» jáne «Mıchýrınes» alaptaryn aýyzsýmen qamtamasyz etý jumystary 2020-2022 jyldar aralyǵynda júzege asyrylmaq. Budan bólek, 2012 jyldan beri «Kóltoǵan» alabynyń mańyndaǵy 250 gektar kóleminde bólingen 1232 jer telimderin túgendeý jumystary júrgizilip, nátıjesinde paıdalaný merzimi ótken 127 jer ýchaskesi memleket menshigine qaıtaryldy. Osy jerler kezekte turǵan azamattarǵa qaıta beriletin bolady. Oblys ortalyǵyndaǵy birqatar turǵyn jaı jáne saıajaı alaptarynda aldaǵy ýaqytta júzege asyrylatyn jumystardyń jospary, mine, osyndaı», deıdi ákim.
Jambyl oblysy
