Ispanııa Koroli Felıpe VI Qazaqstannyń qalyptasýy men damýyndaǵy Nursultan Nazarbaevtyń qyzmet nátıjelerin aıryqsha atap ótedi.
«Men sizdiń búginde zamanaýı, áleýmettik jáne kópkonfessııaly bolyp otyrǵan memleket qurýdaǵy bar kúsh-jigerińizdi baǵalaımyn, sondaı-aq Sizdiń Uly elińiz ben Ispanııa arasyndaǵy qarym-qatynastarǵa qosqan erekshe úlesińiz úshin alǵys aıtqym keledi», delingen jedelhatta.
Monako knıazi II Alber Nursultan Nazarbaevqa onyń Qaýipsizdik Keńesiniń tóraǵasy, Nur Otan partııasynyń tóraǵasy jáne Eldiń Konstıtýsııalyq keńesiniń múshesi retindegi qyzmetine tabys tileıdi.
«Osy sátti paıdalana otyryp, men bizdiń yntymaqtastyǵymyzdy joǵary baǵalaıtynymdy aıtqym keledi jáne Monako knıazdigi memleketterimizdiń arasyndaǵy qarym-qatynasty tolyq qoldaıtynyna, onyń odan ári tereńdeýine múddeli ekenine sendiremin», – dep jazady Monako Knıazi.
Armenııa Respýblıkasynyń Prezıdenti Armen Sarksıan Elbasynyń Qazaqstan men Armenııanyń arasyndaǵy odaqtastyq baılanystardy damytý men nyǵaıtýǵa qosqan eleýli úlesine toqtalady.
«Siz búgingi qarqyndy damyp kele jatqan, qýatty ekonomıkasy, qalypty áleýmettik qarym-qatynastary, kóp ultty eliniń tatý ári yntymaqty halqy bar, ozyq bilim men tárbıe alyp jatqan jastary týǵan eliniń bolashaǵyna senimmen qaraıtyn, ony álemge laıyqty ári maqtanyshpen tanystyratyn Qazaqstannyń jylnamasyn ózińizdiń dana sheshimińiz arqyly bastaýshy ári avtory quqyǵymen jazýdy jalǵastyrýdasyz», delingen hatta.
Fınlıandııa Respýblıkasynyń Prezıdenti Saýlı Nıınıstıo óziniń jedelhatynda Nursultan Nazarbaevtyń Qazaqstan Respýblıkasynyń Prezıdenti laýazymynda bolǵan kezeńde ekijaqty memleketaralyq qarym-qatynastar teńdessiz joǵary deńgeıge jetkenine aıryqsha mán bergen.
«Sizdiń belsendi ári kóp qyrly qyzmetińiz qazirgi Qazaqstannyń qalyptasýy men damýynda sheshýshi mánge ıe boldy. Osy baǵyttaǵy ǵajap tabystaryńyzǵa baılanysty meniń quttyqtaýymdy qabyl alyńyz», dep atap ótedi S.Nıınıstıo.
О́z jedelhatynda Reseı Federasııasy Úkimetiniń tóraǵasy Dmıtrıı Medvedev Qazaqstan Respýblıkasynyń Tuńǵysh Prezıdentiniń tarıhı eńbegin ataı otyryp, Nursultan Nazarbaevtyń Qazaqstan Prezıdenti laýazymynda bolǵan kezeńdegi ózara jemisti is-qımyl úshin rızashylyǵyn bildirgen.
«Sizdiń Qazaqstan men Reseıdi baılanystyratyn dostyq, seriktestik jáne odaqtastyq qarym-qatynastardy nyǵaıtýǵa udaıy kóńil bólip otyrǵanyńyzdy aıryqsha atap ótkim keledi. Barlyq múshe memleketterdiń ıgiligi úshin tabysty damyp kele jatqan Eýrazııalyq ekonomıkalyq odaqty qurýdaǵy kóshbasshylyq rólińizdi joǵary baǵalaımyz», delingen jedelhatta.
AQSh Memlekettik hatshysy Maıkl Pompeo Elbasy Nursultan Nazarbaevtyń Qazaqstannyń qalyptasýy men gúldenýindegi sheshýshi rólin atap ótken.
«Amerıka Qurama Shtattary Qazaqstanmen jaqyn yntymaqtastyqqa árdaıym mán beredi, sondaı-aq Sizdiń el basshysy laýazymyndaǵy jáne ártaraptandyrylǵan, ashyq, naryqtyq ekonomıkaly Qazaqstandy qurý jolyndaǵy tabystaryńyzdy joǵary baǵalaıdy», delingen hatta.
Dúnıejúzilik saýda uıymynyń Bas hatshysy Roberto Azevedo Nursultan Nazarbaevtyń eldiń ósýi men ekonomıkalyq damýyndaǵy, sonyń ishinde halyqaralyq saýdaǵa belsene qatysý arqyly eleýli ilgerileýshilikti qamtamasyz etýdegi rólin joǵary baǵalaǵan.
«ENI» kompanııasynyń Bas atqarýshy dırektory Klaýdıo Deskalsı óziniń jedelhatynda Qazaqstannyń Táýelsizdik alǵan sátinen jáne onyń egemen el retinde qalyptasýynan bastap Nursultan Nazarbaev shynaıy kóshbasshylyq pen strategııalyq kóregendilik tanytqanyn, osy qasıetter búkil álemnen sheteldik ınvestısııalardy tartqan qolaıly ári turaqty ahýal qurýǵa múmkindik bergenin aıtqan.
Italııanyń burynǵy syrtqy ister mınıstri, Eýrazııalyq zertteýler ınstıtýtynyń prezıdenti Franko Frattını óz hatynda Nursultan Nazarbaevqa eldiń jáne tutas halyqaralyq qoǵamdastyqtyń ıgiligi jolyndaǵy qyzmetiniń nátıjeleri úshin shynaıy qurmetin bildirgen.
«Dál Sizdiń kúsh-jigerińizdiń arqasynda Ortalyq Azııadaǵy jáne eýrazııalyq óńirdegi geosaıası úderister jalpy alǵanda beıbit ári tabysty órbidi. Qazaqstannyń jáne Sizdiń basshylyǵyńyzdyń mańyzy óńirlik jáne halyqaralyq uıymdar aıasynda da moıyndaldy», dep jazady F.Frattını.
Elbasy Nursultan Nazarbaevtyń Qazaqstandy órkendetýdegi aıryqsha róli men halyqaralyq arenadaǵy kórnekti eńbegi EQYU Bas hatshysy T.Gremıngerdiń, Reseı Federasııasy Federaldyq Jınalysynyń Federasııa Keńesiniń tóraǵasy V.Matvıenkonyń, Eýropa Qaıta qurý jáne damý bankiniń prezıdenti S.Chakrabartıdiń, «Sberbank» JAQ prezıdenti G.Greftiń, Tatarstannyń Tuńǵysh Prezıdenti, memlekettik keńesshi M.Shaımıevtiń, Ingýshetııa Respýblıkasynyń basshysy Iý.Evkýrovtyń, Reseıdiń Omby oblysynyń gýbernatory A.Býrkovtyń, Memleketaralyq avıasııa komıtetiniń tóraǵasy T.Anodınanyń jáne Reseıdiń IýNESKO isteri jónindegi komıssııasy tóraǵasynyń orynbasary A.Dzasohovtyń hattarynda da atap aıtylǵan.
Qazaqstannyń Tuńǵysh Prezıdenti – Elbasy óz atyna kelip túsken barlyq hatpen muqııat tanysyp shyqty jáne hat avtorlaryna jyly lebizderi men shynaıy tilekteri úshin alǵys bildirdi.
