Osyndaı málimetter boıynsha aqparat usynǵan energyprom.kz málimetteri boıynsha elimizdiń úı sharýashylyǵynda sút ónimderin tutyný ótken jyldyń sońǵy toqsanynda jan basyna shaqqanda 64,4 lıtrdi quraǵan. Kórsetkish odan bir jyl burynǵy merzimmen salystyrǵanda 6,9 paıyzǵa artqan. Sút jáne sút ónimderin ásirese Almaty turǵyndary kóp tutynǵan, jan basyna shaqqanda 77,5 lıtr, Aqmola oblysy boıynsha – 75,3, Qaraǵandy oblysynda – 72,5 lıtr. Al aǵymdaǵy jyldyń qańtar-aqpan aılarynda salystyrmaly kezeńmen alǵanda sary maı óndirisi 16,9 paıyzǵa ósip, 2,1 tonnany quraǵan, al irimshik jáne súzbe 3,6 paıyzǵa, ıaǵnı 4,3 myń tonna óndirilgen. Al suıyq ári óńdelgen sút óndirisi kerisinshe 1 paıyzǵa tómendep, 84,7 myń tonany qurasa, ózge sút ónimderi óndirisi 4,1 paıyzǵa – 1,1, tonnaǵa deıin tómendegen.
Elvıra Serikqyzy,
«Egemen Qazaqstan»
