Bul kásiporyn jylyna 3000 tonnaǵa jýyq balmuzdaq, 15 tonna tushpara ónimin shyǵarady. Sondaı-aq, seriktestikke qarasty byltyr iske qosylǵan shokoladty glazýr jáne shokolad óńdeıtin sehynyń jobalyq quny – 800 mln. teńge. Aldaǵy ýaqytta sehta jylyna 1100 tonna shokoladty glazýr men shokolad ónimderi óndiriletin bolady.
Budan soń óńir basshysy Tólebı aýdany, Kıelitas aýyldyq okrýginde ornalasqan «Gazpromneft-Bıtým Qazaqstan» JShS munaı ónimderin óńdeıtin zaýyttyń jumysyn kórip, «Shymkent Qus» JShS qus etin óndiretin sehynyń jańa qurylys jumystarymen tanysty. 2019 jyldyń qazan aıynda iske qosylatyn jobaǵa 896 mln. teńge ınvestısııa tartylǵan. Munda jylyna 2500 tonna qus etin óndirý josparlanǵan. О́mirzaq Shókeev aýdan basshysyna qus etin óndirýdi arttyryp, kásipkerlerge qajetti jer telimderin bólýdi júktedi.
Sondaı-aq, oblys ákimi «Qazyǵurt baqtary» aýylsharýashylyq óndiristik kopperatıvinde de boldy. Egis alqabynda búgingi tańda 265 000 kóshet otyrǵyzylǵan. 140 ga aýmaqtyń 110 gektary alma baý, al qalǵan 28 gektardyń qurylysy júrgizilýde. Kóshettiń barlyǵy Italııadan ákelingen. Sonyń ishinde Grenın Sıt sorty – 50 myń, Aıdared – 50 myń, Golden delıshes – 115 myń túp. Sonymen birge, Gala sorty 50 004 túp egilgen. Jalpy egis alqabyna 1 mlrd. teńge qarjy bólingen. Onda О́mirzaq Estaıuly jaýapty sala basshylaryna qarqyndy baý kólemin arttyrý jóninde tapsyrma berdi. Mol ónim alýda tamshylap sýǵarý ádisiniń tıimdiligin aıtty.
Aýdandaǵy óndiris oryndaryn aralaǵan óńir basshysy kásipkerlikti damytý, jumys oryndaryn ashý jóninde tapsyrmalar berip, turǵyndardyń ál-aýqatyn jaqsartatyn jumystardy jandandyrýdy tapsyrdy.
