Alaıda, eki jyl ótkennen keıin kópir syr bere bastaǵan. Osy sebepti kóktemgi sý tasqyny aldynda óz jumysyn toqtatýǵa májbúr boldy. Sokolovka aýyldyq okrýginiń ákimi Ásker Seıitovtyń aıtýynsha adamdardyń qaýipsizdigi úshin osyndaı qadamǵa barýǵa týra kelgen. Aýyldyqtar bolsa, mundaı sheshimge narazy. Qos aýyl arasyn jalǵap turǵan ótkel alynyp tastalǵandyqtan, qatynaý jaǵy múldem kúrdelenip ketken. Jaqtaý taqtaılarynyń ornyna temir baǵandar qoıylyp, 8 mıllıon teńge baǵyttalsa da, kóktem, jaz aılarynda úlken qater tóndiredi. Turǵyndar qazir azyq-túlik ákelýge bolmasa jumysqa qatynaýǵa aınalma jol arqyly qatynap júr. Sapasyzdyq san soqtyrdy degen osy.
Qısaıǵan kópir kóktemgi tasqyn kezinde sý astynda qalady degen boljamnyń aqyry júrginshilerdi osyndaı tyǵyryqqa tirep otyrǵan jaıy bar.
Eki aýyldyń arasyn jalǵaıtyn ótkel tek shilde aıynyń sońyna qaraı qalpyna keltirilmekshi.
Soltústik Qazaqstan oblysy
