Onyń aıtýynsha, respýblıka aýmaǵynda 2018 jyly 347, 2017 jyly
360 janýarlardyń asa qaýipti aýrýlarynyń oshaqtary tirkelgen. Onyń ishinde
brýsellez boıynsha 180, 2017 jyly 217 salamatty emes pýnkt anyqtalǵan. 180
salamatty emes pýnkttiń ishinde 125-i saýyqtyrylyp jáne jergilikti atqarýshy
organdardyń sheshimimen jabylǵan. 55 pýnktte veterınarııalyq-saýyqtyrý is-sharalary
júrgizilýde. Aǵymdaǵy jyldyń basynan janýarlar aýrýlarynyń 20 oshaǵy tirkelgen.
Odan
bólek mınıstr Veterınarııalyq qaýipsizdikti qamtamasyz etý máselelerine
toqtaldy.
«О́tken jyly Halyqaralyq epızootııalyq bıýro táýelsiz sheteldik
sarapshylar mıssııasynyń (PVS taldaý) qorytyndysy boıynsha 2011-2017 jyldardaǵy
elimizdiń veterınarııalyq qyzmetin jańǵyrtý nátıjelerin joǵary baǵalady.
Máselen, baǵalanǵan 47 pozısııanyń 14-i boıynsha Qazaqstan óz pozısııasyn
jaqsartty, 30-y boıynsha joǵary baǵasyn saqtap qaldy, 3-ýi boıynsha jaqsartý
jóninde usynystar berildi» dedi S.Omarov.
