Mınıstrlik aqparatyna súıensek, bul ótken jylmen salystyrǵanda 2,9 mlrd teńgege artyq. Kórsetilgen qarajat esebinen 2019 jyly janýarlar men qustardyń asa qaýipti 17 aýrýyna qarsy vaksınasııalaý boıynsha 137,2 mln manıpýlıasııa júrgizý josparlanǵan, bul lısterıoz boıynsha salamattylyqqa qol jetkizýge baılanysty 2 mln manıpýlıasııaǵa azaıtylǵan. Sonymen qatar 13,9 mln bas aýyl sharýashylyǵy janýarlarynyń tólin birdeılendirý, janýarlardyń 28 asa qaýipti aýrýy boıynsha 72,4 mln zertteý (ótken jylǵa uqsas) júrgizý, zerthanalyq zertteýler úshin 34,8 mln qan synamasyn alý josparlanǵan.
HEB usynymdaryna sáıkes brýsellezge qarsy kúres strategııasy qaıta qaralady. Sonymen, veterınarııalyq is-sharalar brýsellezge zertteý kezinde oń nátıje bergen janýarǵa ǵana emes, búkil tabynǵa júrgiziledi.
«Joǵary
patogendi qus tumaýyna qarsy kúres
strategııasyna jumys istep turǵan qus fabrıkalarynan 20 shaqyrym radıýstaǵy halyq
sharýashylyǵynyń táýekel aımaǵyn anyqtaý bóliginde ózgerister engizildi, endi
jabaıy qustardyń qonys aýdarý jolynda jáne sý qoımalarynyń janynda ornalasqan
sharýashylyqtarmen qatar qus fabrıkalaryndaǵy qustardyń da ata-enelik tabynyna
osy aýrýǵa qarsy vaksına egiletin bolady.
Sibir
jarasy boıynsha jyl saıyn
100% qamtı otyryp, sezimtal janýarlarǵa aldyn ala vaksınasııalaý júrgiziledi, halyqaralyq
zerthanalarda olardyń sapasyn teksere otyryp, qoldanylatyn vaksınalardyń
sapasyn baqylaý kúsheıtildi. 2017-2018 jyldary kadastrmen belgilengen sibir
jarasynyń 2180 kómindisi qorshaldy jáne taný belgilerimen belgilendi.
Qazaqstan nodýlıarlyq dermatıtke qarsy kúres jónindegi halyqaralyq sarapshylardyń oń qorytyndysyn aldy» dedi S. Omarov.
Bıyl aqpan aıynda Qytaıdyń Bas keden basqarmasy Qazaqstan Respýblıkasyn nodýlıarlyq dermatıt boıynsha salamatty dep tanyp, aýsyl boıynsha shekteýler alyp tastaldy, iri qara jáne usaq mal eti boıynsha veterınarııalyq talaptar kelisildi, et kombınattarynda ınspeksııa júrgizildi, qoı etin qaıta óńdeıtin 5 kásiporyn Qytaıǵa eksport jasaıtyn kásiporyndar Tizilimge engizildi jáne sıyr etin qaıta óńdeıtin 4 kásiporyn engiziledi dep kútilýde. Bul óz kezeginde qazaqstandyq et ónimderiniń Qytaı naryǵyna shyǵýyna jol ashqan. Halyqaralyq epızootııalyq bıýroda vaksına salynbaıtyn aımaqtaǵy (QR 9 oblysy) jáne vaksına salynatyn 5 aımaqtaǵy Qazaqstannyń aýsyl boıynsha salamattylyǵy, jylqynyń afrıkalyq obasy boıynsha salamattylyǵy qaıta rastalǵan.
