«Árbir baqylaý pýnkti Qazaqstannyń basqa da qyzmetterimen jáne shekaralas Eýrazııalyq ekonomıkalyq odaqqa múshe memleketterdiń osyǵan uqsas qyzmetterimen ózara aqparattyq is-qımyl jasasý úshin tehnıkalyq jaraqtandyrylǵan. Sondaı-aq árbir baqylaý beketinde ekspress-taldaý júrgizýge arnalǵan jyljymaly zerthana jáne keri qaıtarý múmkin bolmaǵan, el aýmaǵyn zalaldaý qaýpi joǵary bolǵan asa qaýipti júkterdi joıýǵa arnalǵan qazirgi zamanǵy pesh (ınsenırator) bar», deıdi mınıstr.
Onyń aıtýynsha, atalǵan pýnktterde taýarlardyń kelip-ketýine baqylaý júrgizý basqa da memlekettik organdardyń ózara is-qımyl júrgizýin qajet etedi.
Máselen, shekarashylar men kedenshilerden taýarlardyń shekara arqyly ótkeni týraly shuǵyl aqparatty baqylaý pýnktterine jetkizý, Ishki ister departamentiniń avtoınspektorlarynan jáne Kólik komıtetiniń kóliktik baqylaý ınspektorlarynan kólik quraldaryn toqtatý jáne qujattaryn tekserý, qajet bolǵan jaǵdaıda, keri qaıtarylatyn júkterdi shekaraǵa deıin alyp júrý boıynsha járdem qajet bolady.
Bul taýarlardyń ımporty men tranzıtin tıimdi baqylaýǵa,
veterınarııalyq, fıtosanıtarııalyq jáne tamaq qaýipsizdigi talaptaryna, sondaı-aq
tehnıkalyq reglamentterge sáıkes kelmeıtin ónimderdi el aýmaǵyna kirgizýge jol
bermeýge múmkindik beredi.
«Shekarada baqylaýdyń kúsheıtilýi asa qaýipti aýrýlar boıynsha
elimizdi salamatty dep taný máselelerinde buǵan deıin qol jetkizilgen
jetistikterdi saqtap qalýǵa jáne shoshqalardyń klassıkalyq obasy, qus tumaýy boıynsha
salamatty ekenimizdi tanytýǵa kómektesedi. Al bul óz kezeginde eksport
geografııasyn keńeıtýge jáne qazaqstandyq ónim eksportynyń kólemin arttyrýǵa
múmkindik beredi», dedi Saparhan Omarov.
Mundaı jumysty júrgizýdiń mańyzdy ekenine barlyq
baqylaý-qadaǵalaý organdary, onyń ishinde Bas prokýratýra da túsinistikpen
qaraýy tıis.
Sondaı-aq jergilikti atqarýshy organdarmen, qoǵamdyq
birlestiktermen, halyqaralyq uıymdarmen veterınarııalyq jáne fıtosanıtarııalyq
salamattylyqty qamtamasyz etý boıynsha birlesip jumys isteý mańyzdy.
