Álem • 02 Sáýir, 2019

Dala áýenderiniń shejiresi

730 ret

kórsetildi

1 mın

oqý úshin

Memlekettik ortalyq mýzeı Polshanyń Almatydaǵy Bas konsýldyǵymen birlesip, mýzykatanýshy-etnograf, kompozıtor, Kazaqstannyń halyq ártisi Aleksandr Zataevıchtiń týǵanyna 150 jyl tolýyna arnalǵan «Dala áýeniniń izimen» kórmesi ashyldy.

Egemen Qazaqstan

Dala áýenderiniń terbegen izi... Polıak halqynyń birtýar uly A. V.Zataevıchti Qazaqstanda «qazaq ániniń ákesi, dástúrli mýzyka jazý isiniń pıoneri» dep ataıdy. A.V.Zataevıchtiń eńbegi arqasynda qazaq halqynyń ánderi men aspaptyq mýzykalyq murasy qaǵazǵa túsirildi. Sol zamanda estigen daýysyn qaǵazǵa belgi retinde túsiretin, sodan soń ony aınytpaı oryndap shyǵatyn adam týraly ańyz halyq arasynda keń taralǵan edi. Ol Ertis pen Oral, Qarqaraly men Qyzylorda, Bókeı dalasyn, Orynbor men Jetisý bókterlerin aralap, án-kúılerdi notaǵa túsirdi.

Memlekettik Ortalyq mýzeıde ashylǵan «Dala áýeniniń izimen» kórmesinde qala turǵyndary men qonaqtarynyń nazaryna mýzykant-etnograftyń jeke kesheninde saqtalǵan fotomaterıaldar, maqalalar, jınaqtar men kitaptar, túsiniktemeler men dala áýenderiniń notalyq jazbalary usynyldy. Olardyń qatarynda 1925 jyly Álibı Jangeldınge bergen qoltańbasy «Qazaq halqynyń 1000 áni» (ánder men áýender), «Qazaqtyń 500 áni men kúıi» (ánder men aspaptyq pesalar) jınaǵy, fotosýretteri erekshe atap ótýge turarlyq. Sonymen qatar sazgerdiń qyzy Olga Zataevıchtiń Ahmet Jubanovqa jazǵan hatymen jáne 1950 jyly akademık Ahmet Jubanov jarııalaǵan «A.V.Zataevıch – qazaq halqynyń án-kúıiniń birinshi jınaýshysy» maqalasymen tanysýǵa bolady.

Saǵynysh terbegen ásem áýezder ón boıyńdy tolqytady... Saǵynysh sazdary bolyp áldıleıdi... Beý, dúnıe... dala áýenderiniń izi...

Saparbaı PARMANQUL,

«Egemen Qazaqstan»

ALMATY