Osy salanyń bilikti mamany, hırýrg-ortoped Denıs Rımashevskıı óńirde bolyp, áriptesterine sheberlik saǵattaryn ótkizdi.
«Endoprotezdeý degenimiz – adamnyń tozǵan shemirshegine bolmasa zaqymdanǵan býyndary men synǵan súıekterge jasalatyn ota. Polıetılendi japsyrmamen ne temirmen almastyrylady. Kompıýterlik tomografııa jáne MRT negizinde naýqastyń anatomııalyq erekshelikteri taldanyp, ondaǵan jyldarǵa jaramdy protez qoıylady», deıdi máskeýlik meıman.
Tize býynyn endoprotezdeýdiń jańa tásili engizilgeli oblys ortalyǵynda 80-ge jýyq ota jasalǵan. Alaıda atalmysh operasııaǵa muqtaj jandardyń sany óte kóp. № 3 qalalyq emhananyń bas dárigeri Erjan Ábýǵalıevtyń aıtýynsha, tize býynyn endoprotezdeýge memleket qazynasynan bir naýqasqa ortasha eseppen 900 myń teńge jumsalady eken. Bıyl 30 adamǵa ota jasalyp, tize nemese jambas súıegine endoprotez jasaý jumysy jeńildetilipti. Endi oqystan aýyr jaraqat alyp, súıegin syndyrǵan jandar nemese kárilikke baılanysty aıaǵyn jaza almaı qalǵandarǵa tegin ota jasalady.
Soltústik Qazaqstan oblysy
