2019 jylǵy 1 sáýir kúni saǵat 14: 19-da Holodnyı klıých , Svetochnaıa, 3 mekenjaıy boıynsha №1 páterden tútin shyǵyp jatqany týraly habarlama kelip túsken. TJB jedel brıgadalary saǵat 14:29 mınýtta shaqyrtý ornyna kelip, 2 qabatty turǵyn úıdiń №1 páterinde 5 sharshy metr kóleminde jıhaz janǵanyn anyqtaıdy. О́rt sóndirý barysynda 09.05.2012 jyly týǵan Edýard Temerkanov pen 04. 02. 2015 jyly týǵan Aleksandr Temerkanovtyń denesi tabyldy. Balalar jedel járdem kelgenge deıin shala byqsyǵan tútinnen qaıtys bolǵan. Qala ákimi E. Sálimov birden qaıǵyly oqıǵa ornyna shyǵyp, jaǵdaımen jeke tanysty. Qazirgi ýaqytta órt sebepteriniń kelesi nusqalary qarastyrylýda, otty abaısyz qoldaný, balalardyń otpen oınaýy nemese órteý. Bul aqparatty rastaǵan TJ basqarmasynyń basshysy Q.Ádilov qazirgi tańda tergeý is-sharalary júrgizilip jatqanyn málimdedi.
Semeı aqparattyq ortalyǵynyń málimeti boıynsha, balalardyń anasy - Anastasııa Anatolevna Temerkanova (Lavrýhına), 23.04.1990 jyly týǵan, qazirgi ýaqytta jumys istemeıdi, júktilik boıynsha esepte tur. О́ziniń aıtýynsha órt bolǵan kúni ol balalardy úıde qaldyryp, dárigerdiń qabyldaýyna barǵan. Ákesi- Vıktor Shakenovıch Temerkanov, 04.05.1973 jyly dúnıege kelgen. Nur-Sultan qalasynda qurylysshy bolyp jumys isteıdi. О́rt ýaqytynda Semeı qalasynda bolmaǵan.
Polısııa
organdarynyń aqparaty boıynsha sońǵy jarty jyl ishinde osy meken-jaıda 17.11.2018
jáne 23.02.19 kúnderi eki márte tekseris bolǵan. О́kinishke oraı, sońǵy tekserý
kezinde úı ıeleri polısııa men órt sóndirýshilerge esik ashpaǵan. Qala ákimdiginiń
habarlaýynsha, atalmysh otbasy áleýmettik tólemder alýǵa ótinish bermegen. Jumyssyz
retinde esepte turǵan joq. Shaǵyn aýdan №48 orta mektep ýchaskisine qarasty.
Mektep qyzmetkerlerimen jylyna tórt ret shaǵyn aýdandy aralaý júzege
asyrylady. Qyrkúıek, qarasha jáne qańtar aılarynda ótken reıd kezinde
otbasyǵa balalardy áleýmettendirý jáne olardy mektepke daıyndaý qajettiligi
týraly túsindirý jumystary júrgizilgen.
Reıdterdiń birinde úıdiń úlkeni Nur-Sultan qalasynda ákesimen, al kishi balasy
bógde adamdardyń qasynda bolǵany anyqtaldy.
Balalardyń ómir súrýiniń kúrdeli turmystyq jaǵdaılaryn eskere otyryp, úıdiń
kenjesi balalar úıine jiberilgen. Alaıda, anasynyń jáne polısııa organdarynyń ótinishi
boıynsha bala otbasyna qaıtarylǵan bolatyn.
Semeı qalasy boıynsha barlyǵy 2350 kóp balaly otbasy bar, onyń ishinde 292 otbasy az qamtylǵan. Jalpy, jańa formattaǵy ataýly áleýmettik kómekpen 5040 adam qamtylǵan. Oblys ákimi orynbasarynyń aqparaty boıynsha tek Semeı qalasynan Eńbek jáne halyqty áleýmettik qorǵaý mınıstrligine 635 mln.teńge kólemindegi qarajatqa (jalpy oblys boıynsha 46008 adamǵa 5,7 mlrd. teńge) ótinim berildi. Qazirgi ýaqytta qaıǵyǵa ushyraǵan otbasymen psıhologtar jumys isteýde. Qala ákimdigi balalardy jerleý boıynsha barlyq qajetti sharalardy uıymdastyrady.
Raýshan NUǴMANBEKOVA,
«Egemen QAZAQSTAN»
Semeı
