Qazaqstan Prezıdenti agroónerkásip keshenindegi ónimdilikti jáne qaıta óńdelgen ónimniń eksportqa shyǵarylýyn arttyrý úshin mınıstrliktiń aldyna qoıylǵan mindetterdi sapaly júzege asyrýdyń mańyzdy ekenine nazar aýdardy.
Qasym-Jomart Toqaev 2022 jylǵa deıin tehnıkalardyń jańartylý qarqynyn 2-den 6 paıyzǵa jáne sýarmaly eginshilik jerlerin 1,4 mıllıonnan 2 mıllıon gektarǵa arttyrý, sondaı-aq, aýyl sharýashylyǵy joǵary tehnologııalyq júıesiniń keshenin paıdalaný, egistik alqaptaryn ártaraptandyrý, tuqym sapasyn jaqsartý, tyńaıtqyshtardy jáne ósimdikterdi qorǵaý quraldaryn qoldaný qajettigin aıtty.
Sonymen qatar, Memleket basshysy iri qara maldyń tuqymyn zertteý jáne qaıta asyldandyrý úshin zamanaýı tehnologııany engizý, otbasylyq mal sharýashylyǵyn qurý jáne paıdalanylatyn jaıylymdardyń kólemin ulǵaıtý jónindegi jumystardy jalǵastyrýdy tapsyrdy.
