Budan buryn málim bolǵanyndaı, elimizdiń bas sanıtar dárigeri Jandarbek Bekshın 37 tonna qaýipti azyq-túlikterdiń joıylǵandyǵy jaıynda málimdegen bolatyn. Tekseris nátıjesinde 1,5 mln teńgege aıyppul salynyp, zań buzýshylyqty joıýǵa baılanysty 62 eskertý jasalǵan ári 249 josparsyz tekserýler júrgizilgen.
Atalǵan komıtet málimetteri boıynsha, ótken jyldyń aǵymdaǵy kezeńindegideı tehnıkalyq reglamentter boıynsha óndirýshilerdiń tańbalaý erejelerin buzýy - 74,4 paıyz, qaýipsizdik talaptaryna sáıkes kelmeý - 12,1 paıyz, sondaı-aq málimdelgen nemese fızıkalyq-hımııalyq kórsetkishterge sáıkes kelmeýi boıynsha - 13,5 paıyz derekter anyqtalǵan. Al tehnıkalyq reglamentterge sáıkes kelmeıtin taǵamdar tizimindegi azyq-túlikter qatarynda et ónimderi – 18,1, qus eti – 12,8, balyq – 10,2, maı ónimi – 2,8, sút ónimderi – 11,1, kondıterlik ónimder – 13,7, aspazdyq ónimder -3,4, nan ónimderi - 1,3, un jáne un tartý ónimderi – 5,8, kókónister men jemister – 8,5, konservilengen ónimder – 6,0, shyryn ónimderi – 2,2, alkogoldi sýsyndar - 1,2, BBQ - 0,5 jáne t.b. ataýlar bar.
Anyqtalǵan derekter boıynsha kásipkerlik nysandar túsindirý jumystary júrgizilip, olqylyqtardy joıý týraly 334 nusqama berilgen. Jospardan tys tekserý nátıjeleri boıynsha ákimshilik quqyq buzýshylyq týraly 130 is qozǵalyp, 9 mln. teńgeden astam aıyppul salynǵan. Sáıkes kelmeıtin 1,5 tonnadan astam ónim satylymnan alyndy.
