Bul kúnderi A.Baıtursynov atyndaǵy Qostanaı memlekettik ýnıversıteti jasaqtaǵan «Ahmet Baıtursynov izimen. Orynbor kezeńi» atty ǵylymı-zertteý ekspedısııasy Reseıdiń Orynbor qalasynda júr. Ony fılologııa ǵylymdarynyń doktory, professor Almasbek Ábsadyqov basqaryp bardy. Ekspedısııa músheleri Orynbor memlekettik pedagogıka ýnıversıteti Reseı tarıhy kafedrasynyń dosenti, «Orenbýrskıı pýt Ahmeta Baıtýrsýnova» kitabynyń avtory Tatıana Týgaımen birge ult ustazynyń Orynbordaǵy tabany tıgen tarıhı jerlerdi aralady.
«Orynbor qalasy qazaqstandyqtardy HH ǵasyrdyń basyndaǵy qazaq qoǵamdyq-saıası qaıratkerlerine qatysty tarıhı oryndarymen tartady. Bul jas urpaq úshin rýhanı mańyzy joǵary ekendigine maqtanamyz» deıdi Orynbordaǵy «Jas qanat» qazaq ulttyq qoǵamdyq jastar uıymynyń tóraǵasy Rýslan Chýlkeev.
Ekspedısııa aldaǵy kúnderi Orynbor oblystyq arhıvinde bolady jáne Sáýle Táıkesheva basqaratyn halyqaralyq «Qazaq tili» qoǵamy múshelerimen, Orynbor memlekettik pedagogıka ýnıversıteti ǵalymdarymen, qazaq dıasporasy ókiderimen kezdesetin bolady.
Qostanaı
